އީލޮން މަސްކުގެ މިލްކިއްޔާތަށް ހަ ދުވަހުގެ ތެރޭގައި 624 ބިލިއަން ޑޮލަރު އިތުރުވެއްޖެ
-1782040107928.webp)
ދުނިޔޭގެ އެންމެ މުއްސަނދި މަހުޖަނު އީލޮން މަސްކުގެ މިލްކިއްޔާތަށް އެންމެ ހަ ދުވަހުގެ ތެރޭގައި އާދަޔާޚިލާފު ކުރިއެރުމެއް އަތުވެއްޖެއެވެ. މިދިޔަ ހަ ދުވަހުގެ ތެރޭގައި އޭނާގެ މުއްސަނދިކަމަށް 624 ބިލިއަން ޑޮލަރު އިތުރުވެ، މަސްކުގެ މުޅި މިލްކިއްޔާތު މިހާރު ވަނީ ގާތްގަނޑަކަށް 1.32 ޓްރިލިއަން ޑޮލަރަށް އަރާފައެވެ.
މި ބޮޑު ކުރިއެރުން އައުމުގެ މައިގަނޑު ސަބަބަކީ މަސްކުގެ ޖައްވީ ކުންފުނި، ސްޕޭސްއެކްސް ގެ ހިއްސާގެ އަގު ބާރުމިނެއްގައި އުފުލުމެވެ. މީގެ ސަބަބުން އެ ކުންފުނީގެ މާކެޓް އަގުވަނީ 3 ޓްރިލިއަން ޑޮލަރަށް ވުރެ މައްޗަށް ގޮސްފައެވެ.
މަސްކުގެ މުއްސަނދިކަން އިތުރުވަމުންދާ މިންވަރަށް ބަލާއިރު، އެންމެ ދުވަހެއްގެ ތެރޭގައި ވެސް އޭނާގެ މިލްކިއްޔާތަށް 165 ބިލިއަން ޑޮލަރު އިތުރުވެފައިވެއެވެ. މިއީ ދުނިޔޭގެ މަޝްހޫރު މަހުޖަނު ވޮރެން ބަފޭގެ މުޅި މިލްކިއްޔާތަށް ވުރެ ވެސް ބޮޑު އަދަދެކެވެ.
މިއީ ދުނިޔޭގެ މަހުޖަނުންގެ ތާރީޚުގައި މިހާތަނަށް ފެނިފައިނުވާ ފަދަ ތާރީޚީ ކުރިއެރުމެކެވެ. މަސްކުގެ މުއްސަނދިކަން މިހާރު ވަނީ ލިޔެވިފައިވާ ތާރީޚުގައި އެއްވެސް އިންސާނަކަށް ލިބިފައި ނުވާ މިންވަރަކަށް އުފުލިފައެވެ. މީގެ ކުރިން ތާރީޚުގައި އެންމެ މުއްސަނދި މީހާގެ ގޮތުގައި ފާހަގަކުރެވުނު ރޯމަން ސެނެޓަރު މާކަސް ލިސީނިއަސް ކްރެސަސްގެ މުއްސަނދިކަން ވެސް މަސްކު މިހާރު ވަނީ ފަހަތަށް ޖައްސާލާފައެވެ.