ރައްޔިތުންނަށް ކުރިމަތިވާ އިޖުތިމާޢީ މައްސަލަތަކަށް ޙައްލު ލިބެނީ މަގުމައްޗަށް ނުކުމެ ހަޅުތާލުކޮށްގެން ހެއްޔެވެ؟

ރެހެންދި ސްކޫލްގެ ދަރިވަރަކަށް ގަނާކޮށް އަނިޔާކުރާ ވީޑިއޯއެއް އާންމުވެއްޖެ: މުއަސަސާތައް ނިދާފަ؟

ދެ ފްލެޓެއް ހުސްކުރަން އެންގުމާ އެކު، ފްލެޓުތަކަށް ކުލި ދައްކަން ފަށައިފި

ރައީސް މުއިއްޒު ފުރަމާނަ ދަތުރުފުޅެއްގައި ޕާކިސްތާނަށް، 12 އެއްބަސްވުމެއްގައި ސޮއިކުރައްވަނީ

މިއަހަރުގެ މިހާތަނަށް 2،000 އަށްވުރެ ގިނަ އެކްސިޑެންޓް ރިޕޯޓުކޮށްފި

ކަނޑުއަޑީގައި ފެން އުފައްދާ ނިޒާމެއް ޤާއިމުކުރަން އެމްޑަބްލިއުއެސްސީން ދިރާސާކުރަން ފަށައިފި

ޑްރަގް ކެފޭއެއް ހިންގި އެޕާޓްމެންޓުން ހައްޔަރުކުރި ހަ މީހުން 30 ދުވަހަށް ބަންދުކޮށްފި

ފުލުހެއްގެ ގައިގައި ސައިކަލުން ޖެއްސި މައްސަލަ: ހައްޔަރުކުރި 4 މީހުން ވެސް މަސްތުވާތަކެއްޗަށް ޕޮޒިޓިވް

މިއަހަރު ނިމޭއިރު 442 އޮޑިޓް ނިންމައި، އާންމު ކުރެވޭނެ ކަމަށް އޮޑިޓަރ ޖެނެރަލްގެ އޮފީހުން ވިދާޅުވެއްޖެ

އުފެއްދުންތެރިކަމުގެ މައުރަޒު: މާކެޓް ޕްލޭސްގައި 130 އަށްވުރެ ގިނަ ވިޔަފާރި، 2 ގާޑިޔާ

ވަޒީރު އިރުތިޝާމް މިސްރުގެ ޚާރިޖީ ވަޒީރާ ބައްދަލުކުރައްވައިފި

ގެއްލިގެން ހޯދި 56 އަހަރުގެ މީހާ ފެނިއްޖެ

ހުޅުމާލޭގައި ޓެކްސީއެއް ހޮޅިދަނޑިއެއްގައި ޖެހި ބޮޑެތި ގެއްލުންތަކެއް ވެއްޖެ

އިންޑިއާ ޕޮލިސް އެކަޑަމީގެ ތަމްރީނެއް ދިވެހި ފަސް ފުލުހަކު ފުރިހަމަކޮށްފި

ފްލައިޓެއްގެ ތެރޭގައި ގޭން ރިހައާއި ބަތް ގެނެސް ކެއި އިންޑިއާގެ 15 މީހުންގެ އާއިލާއެއް ބްލެކްލިސްޓްކޮށްފި

ރައީސް ނަޝީދުގެ ކަންބޮޑުވުން: ސްކޫލްތަކުގައި ލަވަ މުބާރާތްތަކާއި އިތުރު ހަރަކާތްތައް ހުއްޓި، ޖީލެއް ހަލާކުވަނީ

އެސްޖޭ ދިހެރެޔާ އެޕާޓްމަންޓުތައް ގަތުމަށް ހުޅުވާލައިފި

ތިންމީހުން އަރުވައިގެން ސައިކަލު ދުއްވި މައްސަލަ: އެކަކު ބަންދުކޮށްފި؛ އެއީ މީގެ ކުރިންވެސް އެތައް ކުށެއްގެ ރެކޯޑް އޮތް މީހެއް

ހުޅުމާލެ ރަށު މާރުކޭޓުގެ ނުވަ ގޮޅިއަކަށް ކުރިމަތިލުމަށް އެޗްޑީސީން ހުޅުވާލައިފި

ފުއްގިރި މައްސަލައިގައި ރައީސް ޔާމީނަށް ހުކުމް ކުރުން މި މަހުގެ 29 ގައި

Home Page Gallery Main

ކުދި ޖަޒީރާ ޤައުމުތަކުގެ އޮޑިޓު އިދާރާތަކުގެ މަހާސިންތާ ނިންމުމުގެ ރަސްމިއްޔާތު

Home Page Gallery Cards

ބޮޑުތަކުރުފާނު މަގުގެ މަސައްކަތް ކުރާ ސަރަހައަދަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ބަލާލެއެވުން

ސްކޭޓަރުންގެ އުއްމީދުތަކާއި ގުޅިފައިވާ މާލޭ ސްކޭޓް ޕާކް ހުޅުވުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާބައިދޫއަށް ވަޑައިގަތުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މުންޑޫއަށް ވަޑައިގަތުން

home page placeholder ad two

homepage placeholder ad three

Latest Lifestyle Main

ކާނާ

ފުރަމޭގެ އެންޒައިމްތައް މަތިވުން ކުޑަކޮށްދޭ 5 ބާވަތެއްގެ މޭވާއާއި ތަރުކާރީ

Latest Lifestyle Side Cards

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ:  ފޭވަރިޓް ޗީޓް މީލް!!

ޤުރުއާން ކިޔެވުމުގެ ޤައުމީ މުބާރާތް: 

ރައްޔިތުންނަށް ކުރިމަތިވާ ގިނަ ކަންކަމަށް ޙައްލެއް ލިބެނީ މަގުމައްޗަށް ނުކުމެ އަޑުއުފުލައިގެންނޭ ބުނުމަކީ ކުށަކަށް ނުވާނެއެވެ. މިކަމަށް ބާރުދޭ އެތައް ހެއްކެއް މުޖުތަމަޢުގެ ތެރެއިން ފެންނަން އެބަހުއްޓެވެ. މީގެ އެންމެ ފަހުގެ މިސާލަކީ، ބީއެމްއެލްގެ ސްޕޯކްސްޕާސަން މުޙައްމަދު ސަޢީދު، މަގުމަތީގައި ކުރިއަށްގެންދިޔަ ބަނޑުހައިހޫނުކަމުގެ ހަޅުތާލެވެ. މިއީ ހެންވޭރު ކަށިމާ ހިނގުމާއި ދޫހިމެރި މަގުގައި ދިރިއުޅޭ ރައްޔިތުންނަށް، އެ ސަރަޙައްދުގައި އުޅޭ މީހެއްގެ ފަރާތުން ތަކުރާރުކޮށް ކުރިމަތިވަމުންދިޔަ ގޯނާތަކާއި އުނދަގޫތަކަށް ދާއިމީ ޙައްލެއް ނުލިބި، އިންސާފު ލަސްވުމުން ކުރިއަށްގެންދިޔަ އިހުތިޖާޖެކެވެ.

އަޙްމަދު ފައިރިޝް ނަމަކަށް ކިޔާ އެ މީހާގެ ފަރާތުން އާންމު އިޖުތިމާޢީ މިންގަނޑުތަކާ ޚިލާފު އެތައް ޢަމަލުތަކެއް ފެންނަމުންދިޔައެވެ. އޭގެ ތެރޭގައި ކުޑަކުދިންގެ ކުރިމަތީގައި ހުތުރު ބަހުން ވާހަކަދެއްކުމާއި، އެކި ފަރާތްތަކަށް ޖިސްމާނީ ގޯނާކުރުން ހިމެނެއެވެ. މިފަދަ އެތައް މައްސަލައެއް ފުލުހުންނަށް ރިޕޯޓުކޮށް، އެތައް ފަހަރަކު އޭނާ ހައްޔަރުކުރި ނަމަވެސް، މާ ގިނައިރުތަކެއް ނުވެ ދޫކޮށްލުމުގެ ސަބަބުން އެ ސަރަޙައްދުގެ ރައްޔިތުން ތިބީ އިންތިހާއަށް ކަންބޮޑުވެފައެވެ. އެއްވެސް މުއައްސަސާއަކުން އެދެވޭ ޙައްލެއް ނުލިބި، ކެތްތެރިކަން ކޮޅުންލުމުން، ސަޢީދު އެންމެ ފުރަތަމަ ހަޅުތާލު ފެށްޓެވީ ހެންވޭރު ޕޮލިސް ސްޓޭޝަންގެ އެތެރޭގައެވެ. ނަމަވެސް، އެތަނުގައި 14 ގަޑިއިރު ހޭދަކުރުމަށްފަހު ނުކުންނަން ޖެހުމުން، އޭނާގެ ހަޅުތާލު ބަދަލުކުރީ ޕޮލިސް ސްޓޭޝަން ބޭރު، މަޖީދީމަގަށެވެ.

ގާތްގަނޑަކަށް 35 ގަޑިއިރަށް ދެމިގެންދިޔަ މި ބަނޑުހައިހޫނުކަމުގެ ހަޅުތާލު ނިންމައިލީ، ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން އަދި ޕްރޮސެކިއުޓަރ ޖެނެރަލް، މި މައްސަލަ ބައްލަވައި ފިޔަވަޅު އަޅުއްވާނެ ކަމުގެ ފުރިހަމަ ޔަޤީންކަން ދެއްވުމުންނެވެ. ސަޢީދު ފާހަގަކުރެއްވި ގޮތުގައި، ފުލުހުންގެ އިދާރާގައި މީގެކުރިން ބަންދުކޮށްފައި (ފައިލްކޮށްފައި) ހުރި ގިނަ މައްސަލަތަކެއް، ވަޒީރުގެ އެންގެވުމަށް އަލުން ބައްލަވަން ވަނީ ފަށްޓަވާފައެވެ. އަދި ކުރިން ރަސްމީކޮށް ލޮގް ނުކުރެވި ހުރި މައްސަލަތައް އަލުން ލޮގްކުރުމުގެ ފުރުޞަތުވެސް ވަނީ ފަހިކޮށްދެއްވާފައެވެ. އެހެންކަމުން، މި މައްސަލަތައް އަލުން ހުށަހެޅުމަށްފަހު، އާއިލާއާ މަޝްވަރާކޮށް ހަޅުތާލު ނިންމައިލީއެވެ.

މި ހާދިސާއިން އުފެދޭ އެންމެ ބޮޑު ސުވާލަކީ މިއެވެ؛ ރައްޔިތަކަށް އިންސާފާއި އަމާންކަން ލިބެން އޮތީ، އާމްދަނީ ހޯދަން ކުރާ މަސައްކަތް ހުއްޓާލައި، މަގުމައްޗަށް ނުކުމެ ހަޅުތާލު ކޮށްގެން ހެއްޔެވެ؟ ދައުލަތުގެ މުއައްސަސާތައް ހިންގަން ތިއްބެވި ވެރިންގެ ނާޤާބިލުކަމުން، ކޮންމެ ކަމަކަށް އޮތް ހަމައެކަނި ޙައްލަކީ މަގުމަތީގެ އިހުތިޖާޖުތައް ހެއްޔެވެ؟

ޤާނޫނުއަސާސީން ކަށަވަރުކޮށްދީފައިވާ ރައްކާތެރިކަމާއި އަމާންކަން ރައްޔިތުންނަށް ފޯރުކޮށްދިނުމަކީ ދައުލަތުގެ އެންމެ އިސް ވާޖިބެވެ. ނަމަވެސް، ރައްޔިތުންގެ ކަންބޮޑުވުންތަކަށް މުއައްސަސާތަކުން އިޖާބަދެނީ ކޮންމެހެން މަގުމައްޗަށް ނުކުމެ، ސޯޝަލް މީޑިއާގައި އަޑުގަދަކޮށް، އަމިއްލަ ނަފުސު ނުރައްކަލަށް ހުށަހެޅުމުން ކަމުގައި ވާނަމަ، އެއީ ނިޒާމު ފެއިލްވެފައިވާ މިންވަރު ދައްކުވައިދޭ ހެއްކެކެވެ.

މުޖުތަމަޢުގެ އަމަންއަމާންކަން ޤާއިމުކުރުމަށް ހެދިފައިވާ ޤާނޫނުތަކާއި ޤަވާޢިދުތައް ތަންފީޛުކުރުމުގައި ލަސްތަކެއް އުޅޭނަމަ، އާންމު ރައްޔިތުންގެ އިތުބާރު ދައުލަތުގެ ނިޒާމަށް ގެއްލިގެންދާނެއެވެ. ކޮންމެ މައްސަލައަކަށް ވަޒީރުންނާއި އިސްވެރިން މަގުމައްޗަށް ވަޑައިގެން ޔަޤީންކަން ދެއްވަން ޖެހުމަކީ ދެމެހެއްޓެނިވި ގޮތެއްގައި މައްސަލަތައް ޙައްލުކުރެވޭނެ އުޞޫލެއް ނޫނެވެ.

އެހެންކަމުން، ރައްޔިތުން އަމިއްލަ ދިރިއުޅުމާއި މަސައްކަތް ހުއްޓާލައި، މަގުމައްޗަށް ނުކުންނަން ނުޖެހޭނެ ފަދަ ހަރުދަނާ އުޞޫލުތަކެއް މުއައްސަސާތަކުގެ ތެރޭގައި ޤާއިމުކުރަން ޖެހެއެވެ. ޝަކުވާތައް ބަލައިގަނެ، އެކަށީގެންވާ އަވަސް ފިޔަވަޅު އެޅޭނެ އިތުބާރުހުރި ނިޒާމެއް ހަމަޖެހިގެން މެނުވީ، އިޖުތިމާޢީ ޢަދާލަތާއި އަމާންކަން ދާއިމީ ގޮތެއްގައި ކަށަވަރެއް ނުކުރެވޭނެއެވެ.

ޤައުމެއްގެ މުސްތަޤްބަލަކީ އެ ޤައުމެއްގެ ޅަދަރިންނެވެ. އެ ކުދިން ބޮޑެތިވަމުން އަންނަ މާހައުލަކީ އަމާން، އޯގާތެރި އަދި ރައްކާތެރި ތަނަކަށް ވާންޖެހެއެވެ. ނަމަވެސް، މިއަދު އަޅުގަނޑުމެންގެ ދިވެހި މުޖުތަމަޢުން ފެންނަމުން މިދަނީ މި މުހިންމު އަސާސްތައް ފުނޑުފުނޑުވެ، ކުދިންގެ މެދުގައި އަނިޔާވެރިކަމާއި ގަނާކުރުން (ބުލީކުރުން) އިންތިހާއަށް އިތުރުވެފައިވާ ބިރުވެރި މަންޒަރެވެ. މިފަދަ ލާއިންސާނީ އަދި ހިތާމަވެރި ހާދިސާއެއްގެ ވީޑިއޯ ސޯޝަލް މީޑިއާގައި މިވަނީ  ދައުރުވެފައެވެ. 

އާންމުވެފައިވާ އެ ވީޑިއޯއިން ފެންނަނީ ހުޅުމާލޭގެ ރެހެންދި ސްކޫލްގެ ދަރިވަރުންތަކެއް، އެ ސްކޫލުގެ އެހެން ދަރިވަރަކު ވަށާލައި، ރަޙުމެއްނެތި އެ ކުއްޖާއަށް އަނިޔާކޮށް ގަނާކުރަމުންދާ މަންޒަރެވެ. ތިން ދަރިވަރަކު ވެގެން އެއް ކުއްޖަކަށް ޖިސްމާނީ އަނިޔާދީ، ބިރުދައްކަމުން ދިޔައިރު، އަނިޔާ ލިބެމުންދިޔަ ކުއްޖާ ރޮއި އާދޭސްކުރަމުން އެފަދައިން ނުހެދުމަށް އެދެމުންދިޔަ މަންޒަރު ހިތްފަޅައިގެންދާ ފަދަ ގޮތަކަށް ސާފުކޮށް ފެނެއެވެ. އެއްވެސް ކުށެއްނެތް މަޢުޞޫމު ކުއްޖަކަށް މިފަދަ އަނިޔާއެއް ދެމުންދިޔައިރު، އެކަން ހުއްޓުވާނެ ނުވަތަ އެ ކުއްޖާގެ ޙައްޤުގައި ތެދުވާނެ އެއްވެސް ފަރާތެއް އެ މާހައުލުގައި ނެތުމަކީ ނުހަނު ކަންބޮޑުވާންޖެހޭ ކަމެކެވެ.

މި ހާދިސާއާ ގުޅިގެން އިތުރު މަޢުލޫމާތު ސާފުކުރުމަށް "ރެދަން އޮންލައިން" ގެ ފަރާތުން ރެހެންދި ސްކޫލަށް ގުޅުމުން، އެ ސްކޫލުން ޖަވާބުދާރީވެފައިވަނީ  ޒިންމާދާރުކަން ކުޑަ ގޮތަކަށެވެ. އެގޮތުން އެއީ ސްކޫލުން ބޭރުގައި ހިނގާފައިވާ ކަމެއް ކަމަށްވާތީ، އެކަމާ ގުޅޭގޮތުން އެއްވެސް އެއްޗެއް ބުނެވެން ނެތް ކަމަށް ސްކޫލުގެ އިދާރާއިން ވަނީ ބުނެފައެވެ. އަދި މިކަމާ ގުޅޭގޮތުން ސްކޫލުގެ ޕްރިންސިޕަލް ނާޒިމްގެ ބަހެއް ހޯދުމަށް ތަކުރާރުކޮށް ގުޅި ނަމަވެސް، ފޯނަށް ޖަވާބު ދެއްވާފައެއް ނުވެއެވެ. ސްކޫލުގެ ޔުނީފޯމުގައި ނުވަތަ ސްކޫލުގެ ދަރިވަރުންތަކެއް ހިންގާ މިފަދަ އަމަލުތަކުން ސްކޫލުގެ މެނޭޖްމަންޓަށް ރެކެވެން އޮންނާނެ ހެއްޔެވެ؟ ކަމެއް ސްކޫލުގެ ފާރުން ބޭރުގައި ހިނގުމަކީ، އެ ސްކޫލެއްގެ ދަރިވަރުންގެ އަޚްލާޤީ ޒިންމާއިން ސްކޫލަށް ބަރީޢަވެވޭނެ ސަބަބެއް ނޫނެވެ.

ސްކޫލް މާހައުލުގައާއި ސްކޫލުން ބޭރުގައިވެސް ކުދިންގެ މެދުގައި ގަނާކުރުމާއި ފުރައްސާރަކުރުމުގެ މައްސަލަތައް އާދަޔާޚިލާފަށް އިތުރުވަމުންދާއިރު، މިކަމަށް އެދެވޭ ދާއިމީ ޙައްލެއް އަދިވެސް ހޯދިފައެއް ނުވެއެވެ. ސަރުކާރުގެ ކަމާބެހޭ ވުޒާރާތަކާއި ތަޢުލީމީ އިދާރާތަކުން މިފަދަ ކަންކަން ހުއްޓުވުމަށް އެކަށީގެންވާ ސިޔާސަތުތަކެއް ތަންފީޒު ނުކުރެވިއެވެ. މިފަދަ ނޭދެވޭ ޢަމަލުތައް މުޖުތަމަޢުގައި އިންތިހާއަށް އިތުރުވަމުންދާއިރު، ގިނަ ބެލެނިވެރިންނަށްވެސް މި މައްސަލައިގެ ނުރައްކާތެރިކަން އެންމެ ފުރިހަމައަށް ވަޒަން ނުކުރެވޭކަން ފާހަގަކުރެވެއެވެ. ބައެއް ބެލެނިވެރިންނަށް މިއީ ކުދިންގެ މެދުގައި ހިނގާ އާދައިގެ ސަމާސާއެއްގެ ގޮތުގައި ދެކެވުނު ނަމަވެސް، މިއީ ކުއްޖެއްގެ މުޅި ދިރިއުޅުން އަނދަވަޅަކަށް ވައްޓާލާ ފަދަ ނަފްސާނީ އަދި ޖިސްމާނީ ބޮޑު ގެއްލުމެކެވެ.

މިއީ އަމިއްލަ ދަރިންނަށް މިފަދަ ކަންކަމުގެ ސަބަބުން ލިބޭނެ ގެއްލުން ބުނެދެވިފައި ނުވުމުން ވާ ކަމެއްބާއެވެ؟ ނުވަތަ މިކަމުގެ ނުރައްކާ އެނގިތިބެ، ގަސްތުގައި ކުރާ ކަމެއްބާއެވެ؟ މިއީ މިއަދު މުޅި މުޖުތަމަޢު ފުންކޮށް ވިސްނާލަންޖެހިފައިވާ މުހިންމު ކަމެކެވެ.

މުޖުތަމަޢާއި ސަރުކާރު މި ބިރުވެރި ހަޤީޤަތަށް ލޯމަރައިގެން ނިދާފައި ތިބެވޭކަށް ދެން ނެތެވެ. އިސްލާމީ ތަރުބިއްޔަތާއި އިންސާނީ ކަރާމާތުގެ އަގުވަޒަންކުރަން ދަރިންނަށް ދަސްކޮށްދިނުމަކީ ބެލެނިވެރިންގެ ޒިންމާއެކެވެ. ހަމައެއާއެކު، ސަރުކާރާއި ތަޢުލީމީ ވުޒާރާއިން މިފަދަ ޢަމަލުތައް ހިންގާ ފަރާތްތަކާމެދު ހަރުކަށި ފިޔަވަޅު އަޅައި، ގަނާކުރުން ހުއްޓުވުމަށް ޤާނޫނީ ގޮތުންނާއި އިދާރީ ގޮތުން ހަރުދަނާ ނިޒާމެއް ޤާއިމުކުރަންޖެހެއެވެ. އެހެން ނޫންނަމަ، އަޅުގަނޑުމެންގެ ޅަދަރިންގެ މުސްތަޤްބަލު އަނިޔާވެރިކަމުގެ ތެރެއަށް ގެނބިގެންދާ މަންޒަރު ބަލަން ތިބެންޖެހިދާނެއެވެ.

ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގެ ތެރެއިން ދެ ފްލެޓެއް ހުސްކުރުމަށް އެންގުމާ ގުޅިގެން، ކުލި ނުދައްކައި ތިބި ގިނަ އަދަދެއްގެ މީހުން ކުލި ދެއްކުމުގެ މަސައްކަތް ފަށައިފިއެވެ.

ފަހި ދިރިއުޅުން ކޯޕަރޭޝަން (އެފްޑީސީ) އިން 15 ދުވަހުގެ ނޯޓިސް ދީ، އެއްބަސްވުން ބާތިލްކޮށްފައި ވަނީ ފްލެޓަށް ވަން ފަހުން އެއްގޮތަކަށް ވެސް ކުލި ނުދައްކާ ހުރި ދެ ޔުނިޓެއްގައެވެ. މި ދެ ޔުނިޓުގެ ވެރިފަރާތަށް ވެސް އެއްބަސްވުމުގައިވާ ގޮތުގެ މަތިން ފައިސާ ދެއްކުމަށް އެކި ފަހަރު މަތިން ފުރުސަތު ދިން ކަމަށް އެފްޑީސީން ބުނެއެވެ. ނަމަވެސް، ދިން މުއްދަތު ހަމަވިއިރު ވެސް ފައިސާ ދައްކާފައި ނުވާތީ، މިދިޔަ ބުދަ ދުވަހު ވަނީ އެފަރާތްތަކާ އެކު ވެފައިވާ އެއްބަސްވުން ބާތިލްކޮށް، 15 ދުވަހުގެ ތެރޭގައި ތަން ހުސްކުރަން އަންގައިފައެވެ. އަދި އެ މީހުންނަށް އެފްޑީސީގެ ޕޯޓަލް އެކައުންޓަށް ދީފައިވާ އެކްސެސް ވެސް މިހާރު ވަނީ ކަނޑާލައިފައެވެ.

އެކަމާ ގުޅިގެން ހަމްދާން  މިއަދު ވިދާޅުވީ، ދެ ޔުނިޓެއް ހުސްކުރަން އެންގުމާ އެކު، ކުލި ނުދައްކައިގެން ނޯޓިސް ފޮނުވާފައި ތިބި ގިނަ ބަޔަކު އަންނަނީ ކުލި ދައްކަން އެ ކުންފުންޏަށް ގުޅަމުން ކަމަށެވެ. އަދި މިހާރު ނޯޓިސް ފޮނުވާފައިވާ ގިނަ މީހުންނަކީ އެކެއް ނުވަތަ ދެ މަހުގެ ކުލި ނުދައްކާ ތިބި މީހުން ކަމަށް ވެސް އޭނާ ވިދާޅުވިއެވެ.

މީގެއިތުރުން ހަމްދާން ވިދާޅުވީ، ބައެއް މީހުން ނުދައްކާ އޮތް ކުލި ބޮޑުވެ، އެއްފަހަރާ ފައިސާ ދައްކަން ދަތިވާނެތީ، ބަހާލައިގެން ކުލި ދެއްކޭނެ އިންތިޒާމުތައް އެފްޑީސީން ހަމަޖައްސައިދޭނެ ކަމަށެވެ.

"ކުލި ނުދައްކައިގެން ނޯޓިސް ފޮނުވާފައިވާ ތިބި ގިނަ ފަރާތްތަކުން ކުލި ދައްކަން އަޅުގަނޑުމެންނަށް އެބަ ކޮންޓެކްޓް ކުރޭ. އޭގެ އިތުރުން އެއް ފަހަރާ ފައިސާ ދައްކަން ދަތިވާ ނަމަ އެ ވެސް ބަހާލައިގެން ދެއްކޭނެ އިންތިޒާމު އަޅުގަނޑުމެން ހަމަޖައްސައިދޭނަން،" ހަމްދާން ވިދާޅުވިއެވެ.

ހުޅުމާލެ 2 ގައި ހަދާފައިވާ އެފްޑީސީގެ 4،000 ފްލެޓަށް ބައެއް މީހުން ކުލި ނުދައްކަނީ އެ ސަރަހައްދުގައި އިމާރާތް ކޮށްފައިވާ ހިޔާ ފްލެޓުތަކަށް ވެސް މީހުން ކުލި ނުދައްކާ އުޅޭއިރު ވެސް އެ ތަންތަން އަތުލުން ފަދަ ފިޔަވަޅެއް ނާޅާތީއެވެ. އެކަމަކު، އެފްޑީސީން ފްލެޓު އެއްބަސްވުން ހަދާފައި އޮތީ ގަވާއިދުން ކުލި ނުދައްކާ ނަމަ އެ ތަންތަން އަތުލުމުގެ ބާރު ލިބޭ ގޮތަށެވެ.

އެ ކުންފުނިން އެންމެ ފަހުން ހާމަކޮށްފައިވާ މައުލޫމާތުތަކަށް ބަލާއިރު، ގަވާއިދުން ކުލި ނުދައްކާ 564 ފްލެޓެއް އެބަހުއްޓެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފުރަމާނަ ދަތުރުފުޅެއްގައި އަންނަ އަންގާރަ ދުވަހު ޕާކިސްތާނަށް ވަޑައިގަންނަވަން ނިންމަވައިފިއެވެ.

އަންނަ ހުކުރު ދުވަހުގެ ނިޔަލަށް ކުރައްވާ މި ދަތުރުފުޅުގައި މެމޮރެންޑަމް އޮފް އަންޑަސްޓޭންޑިން (އެމްއޯޔޫ) އާއި އެއްބަސްވުންތަކެއް ހިމެނޭ ގޮތުން 12 ކަމަކާ ގުޅޭ ގޮތުން ދެ ޤައުމުން ސޮއިކުރާނެ ކަމަށް ޕާކިސްތާނުގެ ފޮރިން އޮފީހުން މިއަދު ވަނީ ހާމަކޮށްފައެވެ. މިއީ ވޭތުވެދިޔަ 10 އަހަރަށް ފަހު ދިވެހި ދައުލަތުގެ ވެރިއަކު ޕާކިސްތާނަށް ކުރައްވާ ފުރަތަމަ ފުރަމާނަ ދަތުރުފުޅެވެ.

ޕާކިސްތާނުގެ ފޮރިން އޮފީހާ ހަވާލާދީ އެ ޤައުމުގެ "ދަ އިންޓަނޭޝަނަލް ނިއުސް ޕާކިސްތާން (ދަ ނިއުސް.ޕީކޭ)" ނޫހުން ބުނީ، މި ދަތުރުފުޅަކީ ތާރީޚީ ދަތުރުފުޅަކަށް ވާތީ ރައީސް މުޢިއްޒުގެ ދަތުރުފުޅަށް އެ ޤައުމުން ވަރަށް ބޮޑަށް ތައްޔާރުވަމުން އަންނަ ކަމަށެވެ. އެގޮތުން ތައްޔާރީތައް ފެށުމުގެ ގޮތުން ޕާކިސްތާނުގެ ބޮޑުވަޒީރުގެ ނައިބު އަދި ފޮރިން މިނިސްޓަރު އިޝްހާޤް ދާރު މިއަދު ވަނީ ޚާއްޞަ ބައްދަލުވުމެއް ބާއްވަވާފައެވެ.

"ބައްދަލުވުމުގައި ރިވިއުކުރީ ބައިލެޓަރަލް އެޖެންޑާ، ވިޔަފާރި އާއި އިންވެސްޓްމެންޓް، ސިއްހަތު، ތައުލީމު، މޫސުމަށް އަންނަ ބަދަލު، ޓޫރިޒަމް އަދި ސިވިލް އޭވިއޭޝަންގެ ދާއިރާއިން އެއްބާރުލުން އިތުރުކުރަން އަމާޒުކޮށްގެން،" ޕާކިސްތާނުގެ ފޮރިން އޮފީހާ ހަވާލާދީ، އެ ނޫހުގައި ވެއެވެ.

ދިވެހި ސަރުކާރުގެ މަތީ ފެންވަރުގެ ވަފުދަކާ އެކު ރައީސް މުޢިއްޒު ކުރައްވާ މި ދަތުރުފުޅުގައި، ޕާކިސްތާނުގެ ބޮޑުވަޒީރު ޝާހުބާޒް ޝަރީފާއި ރައީސް އާސިފް އަލީ ޒަރުދާރީއާ ބައްދަލުކުރައްވައި ރަސްމީ ވާހަކަފުޅުތައް ބޭއްވެވުމަށް ވަނީ ހަމަޖެހިފައެވެ.

މި ދަތުރުފުޅުގައި ދެ ޤައުމުގެ ދެމެދުގައި ސޮއިކުރުމަށް ހަމަޖެހިފައިވާ 12 އެއްބަސްވުމުގެ ތެރޭގައި ވިޔަފާރި އާއި އިންވެސްޓްމެންޓް، ސިއްހަތު، ތައުލީމު، ކްލައިމެޓް ޗޭންޖް، ޓޫރިޒަމް، އަދި ސިވިލް އޭވިއޭޝަންގެ އިތުރުން ދިފާޢީ އަދި އަސްކަރީ ދާއިރާއިން ގުޅުން ބަދަހިކުރުން ހިމެނެއެވެ.

މީގެއިތުރުން، ދެކުނު އޭޝިއާގެ ޤައުމުތައް އެކުލެވޭ ސައުތު އޭޝިއަން އެސޯސިއޭޝަން ފޯ ރީޖަނަލް ކޯޕަރޭޝަން (ސާކް) އަށް އަލުން ދިރުން ގެނައުމާ ގުޅޭގޮތުން ވެސް މި ދަތުރުފުޅުގައި ދެ ޤައުމުގެ ވެރިން ފުޅާ ދާއިރާއެއްގައި މަޝްވަރާކުރައްވާނެ ކަމަށް ރިޕޯޓްތައް ބުނެއެވެ.

މި އަހަރުގެ މިހާތަނަށް ރާއްޖޭގައި ހިނގައިގެން ރިޕޯޓުކުރި އެކްސިޑެންޓުތަކުގެ އަދަދު 2,000 އިން މައްޗަށް އަރައިފިއެވެ. ދިވެހި ފުލުހުންގެ ޚިދުމަތުން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި، މި ހިނގާ މަހުގެ މިހާތަނަށް އެކަނިވެސް 96 އެކްސިޑެންޓެއް ވަނީ ހިނގާފައެވެ.

ފުލުހުންގެ ވެބްސައިޓުގައި ޝާއިއުކޮށްފައިވާ މައުލޫމާތުތަކަށް ބަލާއިރު، މިއަހަރުގެ މިހާތަނަށް ޖުމްލަ 2,379 އެކްސިޑެންޓް ފުލުހުންނަށް ވަނީ ރިޕޯޓުކޮށްފައެވެ. މިއަހަރު ފުލުހުންނަށް ހުށަހެޅުނު ޖުމްލަ 9,912 މައްސަލައިގެ ތެރެއިން ދެވަނައަށް އެންމެ ގިނައިން ރިޕޯޓުކޮށްފައިވަނީ މަގުމަތީގެ އެކްސިޑެންޓުތަކެވެ. މި ލިސްޓުގެ އެންމެ ކުރީގައި އުޅެނީ ވައްކަމުގެ މައްސަލަތަކެވެ. އެގޮތުން ވައްކަމުގެ 2,753 މައްސަލައެއް މިހާތަނަށް ވަނީ ހުށަހަޅާފައެވެ.

ހާއްސަކޮށް މާލެ ސަރަހައްދުގައި އެކްސިޑެންޓުތައް ގިނަވެ، ނުރައްކާތެރި ހާދިސާތައް ހިނގަމުންދާތީ އެކަން ހައްލުކުރުމަށް ފުލުހުން މިހާރު ދަނީ ހާއްސަ ފިޔަވަޅުތަކެއް އަޅަމުންނެވެ. އެގޮތުން ނުރައްކާތެރިކޮށް އުޅަނދު ދުއްވާ ފަރާތްތަކާ ދެކޮޅަށް ފިޔަވަޅު އެޅުމަށްޓަކައި، މި މަހުގެ އެއްވަނަ ދުވަހުން ފެށިގެން އަމަލުކުރަން ފެށި އެއްގަމު ދަތުރުފަތުރުގެ ގާނޫނުގެ ދަށުން ފުލުހުންނަށް ވަނީ މަގުމަތީގެ ގަވާއިދާ ހިލާފުވާ ފަރާތްތައް ބޮޑެތި އަދަދުތަކުން ޖޫރިމަނާކުރުމުގެ ބާރު ދީފައެވެ.

މި އާ އުސޫލުގެ ދަށުން ރަޖިސްޓަރީ ނުކޮށް ނުވަތަ ގަވާއިދާ ހިލާފަށް އުޅަނދު ދުއްވާ ފަރާތްތައް ފުރަތަމަ ފަހަރު 500 ރުފިޔާއިން ޖޫރިމަނާކުރެވޭނެއެވެ. އަދި ދެވަނަ ފަހަރަށް އެފަދަ ކަމެއް ތަކުރާރުކޮށްފިނަމަ 750 ރުފިޔާއިން ޖޫރިމަނާކުރާއިރު، ތިންވަނަ ފަހަރުން ފެށިގެން ކޮންމެ ފަހަރަކު 1,000 ރުފިޔާއިން ޖޫރިމަނާކުރުމަށް ވަނީ ހަމަޖެހިފައެވެ.

މަގުމަތީގެ ނުރައްކާތެރި އެކްސިޑެންޓްތައް އިތުރުވަމުންދާތީ، އާންމުންގެ ކަންބޮޑުވުންތަކާ ގުޅިގެން ރައްޔިތުންގެ މަޖިލީހުން ވެސް ވަނީ މި މައްސަލައިގައި ފުލުހުން މަޖިލީހުގެ ކޮމިޓީއަށް ހާޒިރުކޮށް ސުވާލުކުރުމަށް ދާދިފަހުން ނިންމާފައެވެ. މިއީ މަގުމަތީގެ އަމާންކަން ކަށަވަރުކުރުމަށާއި، މިފަދަ ހިތާމަވެރި ހާދިސާތައް މަދުކުރުމަށް އަޅަންޖެހޭ ފިޔަވަޅުތައް އަވަސްކުރުމުގެ މަގުސޫދުގައި ނިންމި ނިންމުމެކެވެ.

ރެހެންދި ސްކޫލްގެ ދަރިވަރަކަށް ގަނާކޮށް އަނިޔާކުރާ ވީޑިއޯއެއް އާންމުވެއްޖެ: މުއަސަސާތައް ނިދާފަ؟

ދެ ފްލެޓެއް ހުސްކުރަން އެންގުމާ އެކު، ފްލެޓުތަކަށް ކުލި ދައްކަން ފަށައިފި

ރައީސް މުއިއްޒު ފުރަމާނަ ދަތުރުފުޅެއްގައި ޕާކިސްތާނަށް، 12 އެއްބަސްވުމެއްގައި ސޮއިކުރައްވަނީ

ފަހުގެ ޚަބަރު

ރައްޔިތުންނަށް ކުރިމަތިވާ އިޖުތިމާޢީ މައްސަލަތަކަށް ޙައްލު ލިބެނީ މަގުމައްޗަށް ނުކުމެ ހަޅުތާލުކޮށްގެން ހެއްޔެވެ؟

ރެހެންދި ސްކޫލްގެ ދަރިވަރަކަށް ގަނާކޮށް އަނިޔާކުރާ ވީޑިއޯއެއް އާންމުވެއްޖެ: މުއަސަސާތައް ނިދާފަ؟

ދެ ފްލެޓެއް ހުސްކުރަން އެންގުމާ އެކު، ފްލެޓުތަކަށް ކުލި ދައްކަން ފަށައިފި

ރައީސް މުއިއްޒު ފުރަމާނަ ދަތުރުފުޅެއްގައި ޕާކިސްތާނަށް، 12 އެއްބަސްވުމެއްގައި ސޮއިކުރައްވަނީ

މިއަހަރުގެ މިހާތަނަށް 2،000 އަށްވުރެ ގިނަ އެކްސިޑެންޓް ރިޕޯޓުކޮށްފި

ލައިފްސްޓައިލް

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ: ފޭވަރިޓް ޗީޓް މީލް!!

ޤުރުއާން ކިޔެވުމުގެ ޤައުމީ މުބާރާތް:

ފުރަމޭގެ އެންޒައިމްތައް މަތިވުން ކުޑަކޮށްދޭ 5 ބާވަތެއްގެ މޭވާއާއި ތަރުކާރީ

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ގެލެރީ

ކުދި ޖަޒީރާ ޤައުމުތަކުގެ އޮޑިޓު އިދާރާތަކުގެ މަހާސިންތާ ނިންމުމުގެ ރަސްމިއްޔާތު

ބޮޑުތަކުރުފާނު މަގުގެ މަސައްކަތް ކުރާ ސަރަހައަދަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ބަލާލެއެވުން

ސްކޭޓަރުންގެ އުއްމީދުތަކާއި ގުޅިފައިވާ މާލޭ ސްކޭޓް ޕާކް ހުޅުވުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާބައިދޫއަށް ވަޑައިގަތުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މުންޑޫއަށް ވަޑައިގަތުން