Featured Main

ޑޮލަރުގެ ސިޔާސަތަކީ ރައްޔިތުންގެ މަސްލަހަތަށް ނިންމި ނިންމުމެއް: ނައިބު ރައީސް

Featured Side Cards

އުރީދޫ މަސް ރޭހުގެ ޗެމްޕިއަންކަން ބޮޑު ތަފާތަކުން ޓީމް އެންޒީ ކާމިޔާބުކޮށްފި

ހުޅުމާލެ ހޮސްޕިޓަލްގައި ގެސްޓްރޯ، ނިއުރޯ އަދި ޔޫރޮލަޖީގެ ހިދުމަތް ފަށައިފި

އިންޖިނިއާސް އެވޯޑްގެ އިވެލުއޭޝަން ކޮމެޓީއަށް ހަތް މެންބަރަކު ހަމަޖައްސައިފި

Home Page Gallery Main

ކުދި ޖަޒީރާ ޤައުމުތަކުގެ އޮޑިޓު އިދާރާތަކުގެ މަހާސިންތާ ނިންމުމުގެ ރަސްމިއްޔާތު

Home Page Gallery Cards

ބޮޑުތަކުރުފާނު މަގުގެ މަސައްކަތް ކުރާ ސަރަހައަދަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ބަލާލެއެވުން

ސްކޭޓަރުންގެ އުއްމީދުތަކާއި ގުޅިފައިވާ މާލޭ ސްކޭޓް ޕާކް ހުޅުވުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާބައިދޫއަށް ވަޑައިގަތުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މުންޑޫއަށް ވަޑައިގަތުން

home page placeholder ad two

homepage placeholder ad three

Latest Lifestyle Main

ކާނާ

ފުރަމޭގެ އެންޒައިމްތައް މަތިވުން ކުޑަކޮށްދޭ 5 ބާވަތެއްގެ މޭވާއާއި ތަރުކާރީ

Latest Lifestyle Side Cards

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ:  ފޭވަރިޓް ޗީޓް މީލް!!

ޤުރުއާން ކިޔެވުމުގެ ޤައުމީ މުބާރާތް: 

ދުނިޔޭގެ ފުޓްބޯޅައިގެ ގަދަބާރު ބްރެޒިލްގެ ގައުމީ ޓީމާ ދެކޮޅަށް އަންނަ އޮކްޓޫބަރު މަހު އިންޑިއާ ކުޅޭ ތާރީޚީ މެޗު ނުކުޅެ ބަލަން އިންނަން ޖެހޭތީ އެކަމާ ހަސަދަވެރިވާ (ޖެލަސްވާ) ކަމަށް އިންޑިއާގެ ކުރީގެ ކެޕްޓަން އަދި ތަޖުރިބާކާރު ފޯވާޑް ސުނިލް ޗެތްރީ ބުނެފިއެވެ.

ދާދި ފަހުން ބައިނަލްއަގުވާމީ ފުޓްބޯޅައިން ރިޓަޔާކުރި ނަމަވެސް، ކުލަބު ފެންވަރުގައި އަދިވެސް މޮޅު ކުޅުމެއް ދައްކަމުން އަންނާތީ މި މެޗުގައި ކުޅުމުގެ ފުރުސަތު އުމުރުން 42 އަހަރުގެ ޗެތްރީއަށް އެބައޮތެވެ. ގައުމީ ޓީމަށް ކުޅެދިން 157 މެޗުން 95 ލަނޑު ޖަހައިދީފައިވާ ލެޖެންޑަރީ ފޯވާޑަށް މި މެޗުގައި ކުޅުމުގެ ފުރުސަތު ދޭން އިންޑިއާގެ ފުޓްބޯޅަ ފެޑެރޭޝަނުން އޮތީ މަރުހަބާ ކިޔުމަށް ތައްޔާރަށެވެ. ނަމަވެސް ޗެތްރީ ވަނީ އަލުން ގައުމީ ޖާޒީގައި ފެނުމުގެ ވިސްނުމެއް ނެތް ކަމަށް ބުނެފައެވެ.

"އަހަރެން ވަރަށް ޖެލަސްވޭ މިކަމާ. އަހަރެންނަކީ މިހާރު ސަޕޯޓަރެއް. އެކަމަކު ބްރެޒިލް މެޗު ކުޅުމަކީ ލިބޭނެ ވަރަށް ބޮޑު ޝަރަފެއް. މިއީ ހަޔާތުގައި އެއް ފަހަރު ނޫނީ ނުލިބިދާނެ ފުރުސަތެއް. އަހަރެން ޖެލަސްވަނީ މިހެންވެ،" މެޗުގައި ބައިވެރިނުވެވޭތީ ހުރި ހިތާމަ ފާޅުކުރަމުން ޗެތްރީ ބުންޏެވެ.

އޭނާ އިތުރަށް ބުނީ، "އެކަމަކު އަހަރެން ދެކޭ ގޮތުގައި ގައުމީ ޓީމަށް އަހަރެން ކުޅުނު 24 ނުވަތަ 26 އަހަރު ތެރޭގައި އަހަރެންނަށް ހިދުމަތް ދެވިއްޖެ. އަލުން އައުމުގެ ވިސްނުމެއް ނެތް،" ކަމަށެވެ.

ބްރެޒިލް ފަދަ ވަރުގަދަ ޓީމަކާ ދެކޮޅަށް ނުކުންނައިރު އެންމެ މުހިންމު ކަމަކީ ހުރިހާ ކުޅުންތެރިންގެ ފިޓްނަސް އެންމެ މަތީ ދަރަޖައިގައި ހުރުން ކަމަށް ޗެތްރީ ފާހަގަކުރިއެވެ. އަދި ކޯޗު ކުޅުންތެރިން މި މެޗަށް އެންމެ ފުރިހަމައަށް ތައްޔާރުކުރާނެ ކަމުގެ ފުރިހަމަ ޔަގީންކަން އެބައޮތް ކަމަށާއި، މިފަދަ މެޗެއްގައި ރަނގަޅު ނަތީޖާއެއް ނެރެވޭނީ ޓީމުގެ ފިޒިކަލް ފިޓްނަސް ވަރުގަދަވެގެން ކަމަށްވެސް އޭނާ ބުންޏެވެ.

އަންނަ އޮކްޓޫބަރު މަހު އިންޑިއާގައި ބޭއްވުމަށް ހަމަޖެހިފައިވާ މި މެޗުތަކުގެ ތެރޭގައި، ބްރެޒިލްގެ އިތުރުން ދެކުނު އެމެރިކާގެ ވަރުގަދަ ބާރެއް ކަމަށްވާ އުރުގުއޭ އަދި ޕެނަމާ ވެސް އިންޑިއާއާ ދެކޮޅަށް ކުޅުމަށް ވަނީ ހަމަޖެހިފައެވެ.

މިހުރީ ބްރެޒިލްއާ ދެކޮޅަށް ކުޅޭ ހިތްވެފައި: ޗެތްރީ

ޤައުމީ ޓީމުތަކުގެ އެތްލީޓުންނަކީ ދުންފަތާ ދުރު ބަޔަކަށް ހެދުމަށްޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޚާއްސަ އިސްނެންގެވުމުގެ މަތިން ބިންގާ އެޅިގެންދިޔަ ސިޔާސަތާއެކު، ރާއްޖޭގެ ކުޅިވަރުގެ މައިދާނަށް ތާރީޚީ ހެޔޮބަދަލެއް އަންނާނެކަމުގެ ކުލަވަރު ފެންނަން ފަށައިފިއެވެ. މިއީ ހަމައެކަނި ކުޅިވަރުގެ ސިޔާސަތެއް ނޫނެވެ. މިއީ އެތައް ޒަމާނަކަށް ދިގުދެމިގެންދާނެ މަންފާކުރުވަނިވި މުހިންމު ޤައުމީ މަސައްކަތެއްވެސް މެއެވެ.

ރާއްޖޭގެ އާބާދީއަކީ ދުޅަހެޔޮ، ގައިންގަޔަށް ނާރާ ބަލިތަކާ ދުރު އާބާދީއަކަށް ހެއްދެވުމަކީ ރައީސުލްޖުމްހޫރިއްޔާގެ މުހިންމު އަމާޒަކަށްވާއިރު، އެ އަމާޒަށް ވާސިލްވުމަށްޓަކައި "ޖެނެރޭޝަނަލް ބޭން އޮން ޓޮބޭކޯ" މިދިޔަ އަހަރުގެ ފަހުކޮޅު ވަނީ ތަސްދީޤުކުރައްވާފައެވެ. އެއާއެކު، 2007 ވަނަ އަހަރުގެ ޖަނަވަރީ މަހުގެ ފުރަތަމަ ދުވަހުން ފެށިގެން އުފަންވެފައިވާ އަދި އެ ތާރީޚުގެ ފަހުން އުފަންވާ ހުރިހާ ކުދިން، ދުންފަތުގެ ބާވަތްތައް ގަތުމާއި، ވިއްކުމާއި، ދުންފަތުގެ އިސްތިއުމާލުކުރުން މިވަނީ ޤާނޫނުން މަނާވެގެން ގޮސްފައެވެ.

މި ސިޔާސަތުގެ ދަށުން ރާއްޖޭގެ އާބާދީގައި ހިމެނޭ ޒުވާނުންގެ ތެރެއިން އެންމެ ތާޒާ އުމުރުފުރާގެ ކުދިންނަކީ ދުންފަތުން ރައްކާތެރިވެފައިވާ ބަޔަކަށް ވެގެންދާނެއެވެ. 20 އަހަރުވެސް ނުފުރޭ ނޫކަށިފުރައިގެ މި ކުދިންނަކީ ރާއްޖޭގެ ކުރިމަގު ކަމަށްވާއިރު، އަގުނުކުރެވޭނެ މި ރައުސުލްމާލަށް ރައްކާތެރިވެވޭނީ މި ކުދިންނަކީ ދުޅަހެޔޮ ސިއްހަތެއްގެ ވެރި ބަޔަކަށް ހެދިގެންނެވެ.

ދިވެހިންނަކީ ފެށުނީންސުރެ ކުޅިވަރަށް ލޯބިކުރާ ބައެކެވެ. ދުނިޔޭގައި ފާހަގަކޮށްލެވޭ މޮޅެތި އެތްލީޓުންގެ ސްޓައިލްތަކާއި ކުޅުމުގެ ވައްޓަފާޅި ދަސްކޮށް، އެފަދަ ހުނަރުވެރި ބަޔަކަށް ވުމުގެ ހުވަފެންތައް ދެކެމުންދާ ބައެކެވެ. ޒަމާނީ ތަރައްޤީއާއެކު ކުޅިވަރުގެ ދާއިރާވެސް މިހާރު ކުރިއަރަމުން އަންނައިރު، އެކަޑަމީތަކުންނާއި ވައިޑީޕީ ހަރަކާތްތަކުން ހުނަރުވެރި ކުޅުންތެރިން އަންނަނީ އުފެދެމުންނެވެ. ގްރާސްރޫޓް މަރުހަލާއިން އުފެދުނު ފުރާވަރު އުމުރުފުރާގެ ކުޅުންތެރިން ސީނިއާ ޤައުމީ ޓީމުތަކުން ފުރުސަތު ހޯދާ، ތަޖުރިބާކާރު ކުޅުންތެރިންނާ އެއްސަފެއްގައި މިހާރު ވަނީ އެތުރިފައެވެ.

ޒުވާން ކުޅުންތެރިންނަކީ ދިވެހިންގެ ޝަރަފާއި ފަޚުރަށް ވެފައިވާއިރު، ދިވެހި ދިދަ ބައިނަލްއަޤްވާމީ ދަނޑުތަކުގައި ވިހުރާލަން ތިބީ މި ކުދިންނެވެ. އަދުގެ ޒުވާނުންނަކީ ދުންފަތާ ދުރު، ސިއްހީގޮތުން ދުޅަހެޔޮ ބަޔަކަށްވުމަކީ އަންނަންއޮތް ޖީލުތަކަށްވެސް ލިބިގެންދާނެ ބޮޑު ހިތްވަރެކެވެ.

ދިރާސާތަކުން ދައްކާ ގޮތުގައި ދުންފަތުގެ އިސްތިއުމާލު ކުރާ ކުޅުންތެރިންގެ ފުއްޕާމޭގެ ކެޕޭސިޓީ ދަށްވެ، ހިތުގެ ދުޅަހެޔޮކަން ގެއްލި، ކުޅިވަރުގެ މައިދާނުގައި ކާމިޔާބީ ހޯދުމަށް ބޮޑެތި ހުރަސްތައް ކުރިމަތިވެއެވެ. އެހެންކަމުން، ކުޅިވަރުގައި ކާމިޔާބު މީހަކަށްވެ، ދާއިމީގޮތެއްގައި ކުޅިވަރުގެ ދާއިރާގައި ހަރަކާތްތެރިވާން ބޭނުންނަމަ ދުންފަތަށް ނޫނެކޭ ބުނަން އެބަޖެހެއެވެ.

ޤައުމީ ކުޅުންތެރިންނަކީ ދުންފަތާ ދުރު ބަޔަކަށް ހެދުމުގެ ސިޔާސަތުގެ ދަށުން، ދިގު މުއްދަތުގެ ފައިދާއެއް ހަމައެކަނި ކުރާނީ ކުޅިވަރަށް އެކަންޏެއް ނޫނެވެ. ދިވެހި ޒުވާނުންނަށް ޤައުމީ ތަރިންނަކީ ނަމޫނާ ބަޔަކަށްވާއިރު، ޤައުމީ ޝަރަފާ ގުޅިފައިވާ ކުޅުންތެރިން ދުންފަތާ ދުރުވުމުން، އެކަމުން ހިތްވަރު ހޯދައިގެން މުޅި މުޖުތަމަޢުގެ އެތައް ޒުވާނުންނެއްވެސް ދުންފަތާ ދުރުހެލިވުމަކީ ދުރު ކަމެއް ނޫނެވެ.

ޔަގީންވާ ކަމަކީ މި ސިޔާސަތާއެކު، ދިވެހި ކުޅިވަރުގެ އައު ރަންޒަމާނެއް ފެށޭނެ ކަމެވެ. އަދި އެ ޒަމާނަށް ޤައުމު ދަތުރުކުރާނީ ދުންފަތުގެ ދުމުން މުޅިން ރައްކާތެރިވެފައިވާ، ސިއްހަތު ރަނގަޅު ދުޅަހެޔޮ ޖީލެއް ނިސްބަތްވާ ޤައުމެއްގެ ފަޚުރުވެރި ޝަރަފާއެކީގައެވެ.

ދުންފަތާ ދުރުވެ، ރާއްޖެ ކުޅިވަރުގެ ރަން ޒަމާނަކަށް

ކުރިއަށް އޮތް އޭޝިއަން ގޭމްސްގައި ވާދަކުރުމަށް ރާއްޖޭގެ ޤައުމީ ޓޭބަލްޓެނިސް (ޓީޓީ) ޓީމުގެ 8 ކުޅުންތެރިން ހޮވި، ފަރިތަކުރުންތައް ފަށައިފިއެވެ. މިކަން ހާމަކޮށްފައިވަނީ ޓޭބަލްޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް) އިންނެވެ.

މި އަހަރުގެ އޭޝިއަން ގޭމްސް ބޭއްވުމަށް ހަމަޖެހިފައިވަނީ އަންނަ ސެޕްޓެމްބަރު މަހުގެ 19 އިން އޮކްޓޯބަރު މަހުގެ 4 ގެ ނިޔަލަށް ޖަޕާނުގެ އައިޗީ އަދި ނަގޯޔާގައެވެ. މި ބޮޑު ކުޅިވަރު އީދަށް ޤައުމީ ޓީމު ތައްޔާރުވަމުންދާ ގޮތުގެ މަޢުލޫމާތު ޕީއެސްއެމް ނިއުސްއާ ހިއްސާކުރަމުން ޓީޓީ އެސޯސިއޭޝަނުން ބުނީ، މުބާރާތުގައި ވާދަކުރާ ޤައުމީ ސްކޮޑުން ޖުމްލަ 8 ކުޅުންތެރިން ޖާގަ ހޯދާފައިވާ ކަމަށެވެ.

މި މުބާރާތުގައި ވާދަކުރާ ކުޅުންތެރިންގެ ފަރިތަކުރުންތައް މިހާރު ވަރަށް ފޯރިއާއެކު ކުރިއަށްދާއިރު، މި ފަރިތަކުރުންތައް ކުރިއަށް ގެންދަނީ މި އަހަރުގެ ޖުލައި މަހުގެ ފަހުކޮޅު ޓީމާ ހަވާލުވި ނައިޖީރިއާގެ ތަޖުރިބާކާރު ކޯޗު އޮމިނިޔި އަޑެޑޮޓުންގެ ބެލުމުގެ ދަށުންނެވެ. އައު ކޯޗުގެ އިރުޝާދުގެ ދަށުން ކުޅުންތެރިންގެ ހުނަރު އިތުރަށް ތަރައްޤީކޮށް، މުބާރާތުގައި ރަނގަޅު ނަތީޖާއެއް ހޯދުމަށް އަމާޒު ހިފާފައިވާ ކަމަށްވެސް އެސޯސިއޭޝަނުން ފާހަގަކުރެއެވެ.

ބައިނަލްއަޤްވާމީ މައިދާނުގައި ފަހަކަށް އައިސް ދިވެހި ޓީޓީ ޓީމުން އަންނަނީ ފާހަގަކޮށްލެވޭ ފަދަ ބޮޑެތި ކާމިޔާބީތަކެއް ހޯދަމުންނެވެ. އެހެންކަމުން ޖަޕާނުގައި ބާއްވާ މި މުބާރާތަކީވެސް ރާއްޖެއަށް ފަޚުރުވެރި ވަނަތަކެއް ހޯދުމަށް ލިބޭ މުހިންމު ފުރުޞަތެކެވެ.

އޭޝިއަން ގޭމްސްއަށް ޤައުމީ ޓީޓީ ޓީމުގެ 8 ކުޅުންތެރިން ފުރުމަށް ތައްޔާރުވެއްޖެ

ހުޅުމާލެ ހޮސްޕިޓަލުގެ ދާއިމީ 15 ވަޒީފާއަކަށް ކުރިމަތިލުމުގެ ފުރުސަތު އެ ހޮސްޕިޓަލުން ހުޅުވާލައިފިއެވެ.

ގެޒެޓުގައި ޝާއިއުކޮށްފައިވާ އިއުލާނުގައިވާ ގޮތުން، މި ފުރުސަތު ހުޅުވާލާފައިވަނީ ރެޖިސްޓާޑް ނަރުހުންގެ މަގާމަށެވެ. އަދި މި މަގާމުތަކަށް އައްޔަންކުރެވޭނީ މޯލްޑިވްސް ނާސިން އެންޑް މިޑްވައިފްރީ ކައުންސިލްގައި ރަޖިސްޓްރީކޮށް، އަދާހަމަ ޕްރެކްޓިސިންގ ލައިސަންސް ލިބިފައިވާ ނަރުހުންނެވެ.

މި ވަޒީފާތަކުގެ މުސާރައާއި އިނާޔަތްތަކަށް ބަލާއިރު، ޕީ.އެސް 5 ރޭންކުގެ ރެޖިސްޓާޑް ނަރުހެއްގެ އަސާސީ މުސާރައަކީ މަހަކު 11،428 ރުފިޔާއެވެ. މީގެ އިތުރުން މަގާމުގެ އެލަވަންސްގެ ގޮތުގައި މަހަކު 5،333 ރުފިޔާ އަދި ހާޒިރީ އެލަވަންސްގެ ގޮތުގައި މަސައްކަތަށް ނުކުންނަ ކޮންމެ ދުވަހަކަށް 144 ރުފިޔާ ލިބޭނެއެވެ.

ޕީ.އެސް 7 ރޭންކުގެ ރެޖިސްޓާޑް ނަރުހެއްގެ އަސާސީ މުސާރައަކީ މަހަކު 13،057 ރުފިޔާއެވެ. މި ރޭންކުގެ ނަރުހުންނަށް މަގާމުގެ އެލަވަންސްގެ ގޮތުގައި މަހަކު 6،094 ރުފިޔާ އަދި ހާޒިރީ އެލަވަންސްގެ ގޮތުގައި މަސައްކަތަށް ނުކުންނަ ކޮންމެ ދުވަހަކަށް 165 ރުފިޔާ ލިބޭނެ ކަމަށް އިއުލާނުގައި ބަޔާންކޮށްފައިވެއެވެ.

ހުޅުމާލެ ހޮސްޕިޓަލުން ބުނެފައިވަނީ، މި ވަޒީފާތަކަށް އެދި ހުށަހަޅާ ފަރާތްތަކުގެ ތައުލީމީ ފެންވަރާއި ތަޖުރިބާއަށް ބެލުމަށްފަހު، އެންމެ މަތިން މާކްސް ލިބޭ ފަރާތްތައް ޝޯޓްލިސްޓް ކުރެވޭނެ ކަމަށެވެ.

މި މަގާމުތަކަށް ޝައުގުވެރިވާ ފަރާތްތަކުން ވަޒީފާއަށް އެދި ހުށަހަޅަންޖެހޭ ތަކެތި، ކުރިއަށް އޮތް އަންގާރަ ދުވަހުގެ މެންދުރުފަހު 13:30 ގެ ކުރިން ހުޅުމާލެ ހޮސްޕިޓަލުގެ ކޮވެލި ބިލްޑިންގގެ 4 ވަނަ ފަންގިފިލާއަށް ހުށަހަޅަންޖެހެއެވެ. އަދި އީމެއިލް މެދުވެރިކޮށް ހުށަހަޅަން ބޭނުންވާ ފަރާތްތަކުން 

 އަށް ލިޔެކިޔުންތައް ފޮނުވުމަށް އެ ހޮސްޕިޓަލުން އެދެއެވެ.

ހުޅުމާލެ ހޮސްޕިޓަލުން 15 ވަޒީފާއަކަށް ފުރުސަތު ހުޅުވާލައިފި

ކ. މާފުށީގައި ވަރަށް ފޯރިއާއެކު ކުރިއަށްދިޔަ އުރީދޫ މަސް ރޭހުގެ މާފުށީ އެޑިޝަންގެ ޗެމްޕިއަންކަން ރޭ ޓީމް އެންޒީން ހޯދައިފިއެވެ.

ޖުމްލަ 14 ޓީމަކުން ވާދަކުރި މި މުބާރާތުގައި ބައިވެރިވި ޓީމުތައް މަސްވެރިކަމަށް ފުރާފައިވަނީ އިއްޔެ މެންދުރުފަހު 2:15 ގައެވެ. އަދި ފޯރިގަދަ ވަގުތުތަކަކަށް ފަހު މަސްވެރިކަން ނިންމާލުމަށްފަހު ހުރިހާ ޓީމުތަކެއް އެނބުރި ރަށަށް އައިސްފައިވަނީ ރޭ 9:00 ގައެވެ.

މި މުބާރާތުގެ އެއްވަނަ ހޯދައި ޗެމްޕިއަންކަން ޓީމް އެންޒީން ހޯދާފައިވަނީ 923 ޕޮއިންޓުގެ ބޮޑު ނަތީޖާއަކުންނެވެ. މި މުބާރާތުގެ ދެވަނަ 606.25 ޕޮއިންޓާއެކު ސްޓެލްކޯގެ ފިރިހެން ޓީމު ހޯދިއިރު، ތިންވަނަ ޓީމަކަށް ހޮވިފައިވަނީ 597.75 ޕޮއިންޓް ހޯދި އޭވިއަން ޓީމެވެ.

މުބާރާތުގެ ވަނަތަކަށް ދިޔަ ޓީމުތަކަށް ފައިސާގެ އިނާމު ވެސް ވަނީ ދީފައެވެ. އެގޮތުން ޗެމްޕިއަން ޓީމަށް 25،000 ރުފިޔާ، ދެވަނައަށް ދިޔަ ޓީމަށް 10،000 ރުފިޔާ އަދި ތިންވަނަ ހޯދި ޓީމަށް 5،000 ރުފިޔާގެ ފައިސާގެ އިނާމު ވަނީ ހަވާލުކޮށްފައެވެ.

އުރީދޫން ހާމަކުރި ގޮތުގައި މި މުބާރާތް ބޭއްވުމުގެ މައިގަނޑު މަގްސަދަކީ ދިވެހި ކާބަފައިންގެ ޒަމާންވީ މަސްވެރިކަމުގެ އަގުހުރި އާދަކާދަތައް ދިރުވައި އާލާކުރުމެވެ. މީގެ އިތުރުން މިއީ ދިވެހިންގެ މެދުގައި އޮންނަ އެކުވެރިކަމާއި އެއްބައިވަންތަކަމުގެ ގުޅުން އިތުރަށް ބަދަހިކޮށްދޭ މަސްވެރިންގެ އީދެއްގެ ގޮތުގައި އެ ކުންފުނިން ސިފަކުރެއެވެ.

އުރީދޫ މަސްރޭހަކީ ފެށުނީއްސުރެވެސް ހަމައެކަނި ވާދަވެރި މުބާރާތަކަށް ވުރެ ބޮޑަށް، މަސްވެރިކަމުގެ އުފާވެރިކަމުގެ ތެރެއިން އެއްބައިވަންތަކަމުގެ ރޫހު އާލާކުރުވައި މުޖުތަމައުގެ ހިތްތަކުން ބޮޑު ޖާގައެއް ހޯދާފައިވާ މަގުބޫލު ހަރަކާތެކެވެ. މުޅި ރާއްޖެއަށް އަމާޒުކޮށްގެން ކުރިއަށްގެންދާ އުރީދޫ މަސްރޭސް 2025 ގައި ކޮންމެ ހިސާބަކުން ވެސް އެންމެ ގިނަވެގެން 16 ޓީމަށް ވާދަކުރުމުގެ ފުރުސަތު ލިބިގެންދާނެއެވެ.

އުރީދޫ މަސް ރޭހުގެ ޗެމްޕިއަންކަން ބޮޑު ތަފާތަކުން ޓީމް އެންޒީ ކާމިޔާބުކޮށްފި

ހުޅުމާލެ ހޮސްޕިޓަލްގައި ގެސްޓްރޯ، ނިއުރޯ އަދި ޔޫރޮލަޖީގެ ހިދުމަތް ފަށައިފި

އިންޖިނިއާސް އެވޯޑްގެ އިވެލުއޭޝަން ކޮމެޓީއަށް ހަތް މެންބަރަކު ހަމަޖައްސައިފި

ފަހުގެ ޚަބަރު

މިހުރީ ބްރެޒިލްއާ ދެކޮޅަށް ކުޅޭ ހިތްވެފައި: ޗެތްރީ

ދުންފަތާ ދުރުވެ، ރާއްޖެ ކުޅިވަރުގެ ރަން ޒަމާނަކަށް

އޭޝިއަން ގޭމްސްއަށް ޤައުމީ ޓީޓީ ޓީމުގެ 8 ކުޅުންތެރިން ފުރުމަށް ތައްޔާރުވެއްޖެ

ހުޅުމާލެ ހޮސްޕިޓަލުން 15 ވަޒީފާއަކަށް ފުރުސަތު ހުޅުވާލައިފި

އުރީދޫ މަސް ރޭހުގެ ޗެމްޕިއަންކަން ބޮޑު ތަފާތަކުން ޓީމް އެންޒީ ކާމިޔާބުކޮށްފި

ލައިފްސްޓައިލް

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ: ފޭވަރިޓް ޗީޓް މީލް!!

ޤުރުއާން ކިޔެވުމުގެ ޤައުމީ މުބާރާތް:

ފުރަމޭގެ އެންޒައިމްތައް މަތިވުން ކުޑަކޮށްދޭ 5 ބާވަތެއްގެ މޭވާއާއި ތަރުކާރީ

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ގެލެރީ

ކުދި ޖަޒީރާ ޤައުމުތަކުގެ އޮޑިޓު އިދާރާތަކުގެ މަހާސިންތާ ނިންމުމުގެ ރަސްމިއްޔާތު

ބޮޑުތަކުރުފާނު މަގުގެ މަސައްކަތް ކުރާ ސަރަހައަދަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ބަލާލެއެވުން

ސްކޭޓަރުންގެ އުއްމީދުތަކާއި ގުޅިފައިވާ މާލޭ ސްކޭޓް ޕާކް ހުޅުވުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާބައިދޫއަށް ވަޑައިގަތުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މުންޑޫއަށް ވަޑައިގަތުން