1447 ވަނަ އަހަރުގެ ބަރަކާތްތެރި ރަމަޟާން މަހާ ދިމާކޮށް، ދީނީ ހޭލުންތެރިކަން އިތުރުކުރުމަށާއި އިޖުތިމާޢީ އެހީތެރިކަން ފޯރުކޮށްދިނުމަށް ޖަމްޢިއްޔަތުއް ސަލަފުގެ ފަރާތުން ގިނަގުނަ ހަރަކާތްތަކެއް ފަށައިގެން ކުރިއަށްދާ ކަމަށް އެ ޖަމްޢިއްޔާއިން ހާމަކޮށްފިއެވެ. ރަމަޟާން މަހުގެ ފުރަތަމަ ދިހަ ދުވަސް ނިމިގެންދިޔައިރު، މި ހަރަކާތްތަކަށް އާންމުންގެ ބޮޑު ތަރުހީބެއް ލިބެމުންދާކަން އެ ޖަމްޢިއްޔާއިން ވަނީ ފާހަގަކޮށްފައެވެ.

ސަލަފު ރޯދަ ހަދިޔާ" އިވެންޓަކީ މިއަހަރުގެ އެންމެ ފާހަގަކޮށްލެވޭ އެއް ހަރަކާތެވެ. 4,000 އަށް ވުރެ ގިނަ މީހުން އަމަލީ ގޮތުން ބައިވެރިވި މި އިވެންޓުގެ އެއްވަނަ އިނާމަކަށް ހުށަހަޅާފައިވަނީ ޙައްޖު ދަތުރެކެވެ. މީގެ އިތުރުން ސައިކަލަކާއި، ޢުމުރާ ދަތުރެއް ހިމެނޭހެން އަގުހުރި 9 އިނާމެއް ވަނީ ދީފައެވެ. އޮންލައިންކޮށް ބައިވެރިވި 15,000 މީހުންގެ މެދުގައިވެސް 90 ހަދިޔާއެއް ބަހާފައިވާއިރު، މި އިވެންޓުގައި އިލްމުވެރިންގެ ޕެނަލަކުން ދީނީ ސުވާލުތަކަށް ޖަވާބު ދިނުންވެސް ކުރިއަށް ދިޔައެވެ.

އިޖުތިމާޢީ އެހީތެރިކަން: "ވާބިލު" އަދި "ހަދާޔާ"

ނިކަމެތި އާއިލާތަކަށް އެހީވުމަށް ހިންގާ "ވާބިލު" ޕްރޮގްރާމުގެ ދަށުން މިއަހަރު މިހާތަނަށް 61 އާއިލާއަކަށް ރެޑްވޭވްގެ ފިހާރަތަކުން ވިޔަފާރިކުރެވޭނެ ވައުޗަރު ވަނީ ހަދިޔާކޮށްފައެވެ. ހަމައެއާއެކު، ހޮސްޕިޓަލްތަކުގައި ތިއްބަވާ މުވައްޒަފުންނާއި ބަލިމީހުންގެ އެހީތެރިންނަށް ރޯދަވީއްލުން ފޯރުކޮށްދިނުމަށް ހިންގާ "ހަދާޔާ" ޕްރޮގްރާމުގެ ދަށުން، ފުރަތަމަ ދިހަ ދުވަހު އައި.ޖީ.އެމް.އެޗް ގައި 3,650 ޕެކް އަދި ހުޅުމާލެ ހޮސްޕިޓަލުގައި 2,100 ޕެކް ވަނީ ބަހާފައެވެ. މިއަހަރު އަލަށް ރ. އުނގޫފާރު ރީޖަނަލް ހޮސްޕިޓަލުގައިވެސް މި ޚިދުމަތް ވަނީ ފަށާފައެވެ.

މިސްކިތު ސުފުރާ އަދި ދަރުސްތައް

މާލޭގެ އިސްލާމީ މަރުކަޒާއި ހުޅުމާލޭގެ މަސްޖިދު އަބޫބަކުރު އައްޞިއްދީޤުގައި ކޮންމެ ދުވަހަކު ރޯދަ ސުފުރާ އަންނަނީ ބާއްވަމުންނެވެ. މިގޮތުން އިސްލާމީ މަރުކަޒުގައި ދުވާލަކު 400 މީހުންނަށް އަދި ހުޅުމާލޭގައި 50 އަށް ވުރެ ގިނަ މީހުންނަށް ރޯދަވީއްލުން ފޯރުކޮށްދެއެވެ.

ދީނީ ހޭލުންތެރިކަން އިތުރުކުރުމުގެ ގޮތުން ފުރުޤާން މިސްކިތުގައި "ދުޢާ" މި މައުޟޫޢަށް ޢަޞްރު ނަމާދަށްފަހު ސިލްސިލާ ދަރުސްތައް ބާއްވަމުންދާތާ މިހާރު 11 އަހަރު ވެފައިވާއިރު، ހުޅުމާލެ މަސްޖިދު ރަޝީދުގައިވެސް ދަރުސްތައް ކުރިއަށްދެއެވެ. އަދި ރާއްޖޭގެ 17 ރަށެއްގައި "ސަލަފު ހަފްތާ ބަންދު ދަރުސް" ޕްރޮގްރާމް މިހާތަނަށް ވަނީ ހިންގާފައެވެ.

ޒުވާނުންނާއި ބިދޭސީންނަށް ޚާއްޞަ ހަރަކާތްތައް

މީސްމީޑިއާ މެދުވެރިކޮށް ކޮންމެ ދުވަހަކު "ސަލަފު ރޯދަ ސުވާލު" މުބާރާތް ކުރިއަށްދާއިރު، މަދަރުސާ ކުދިންނަށް ޚާއްޞަކޮށްގެން "ޑޯން އެންޑް ޑަސްކް" ކުއިޒްވެސް ކުރިއަށްދެއެވެ. މީގެ އިތުރުން، ރާއްޖޭގައި މަސައްކަތްކުރާ ބަންގްލަދޭޝް ރައްޔިތުންނަށް ޚާއްޞަކޮށްގެން ބަންގާޅު ބަހުން ދަރުސް ދިނުމަށް އެ ގައުމުގެ އިލްމުވެރިއަކު ގެނެސްގެން ވިޔަފާރިވެރިންގެ މިސްކިތުގައި ދަރުސްތައް އަންނަނީ ބާއްވަމުންނެވެ.

ޖަމްޢިއްޔަތުއް ސަލަފުން މަޢުލޫމާތު ދޭ ގޮތުގައި، މި ހުރިހާ ހަރަކާތްތަކަކީވެސް ދީލަތި ފަރާތްތަކާއި ކުންފުނިތަކުގެ އެހީތެރިކަމާއެކު ކުރިއަށްގެންދާ ހަރަކާތްތަކެކެވެ. ރަމަޟާން މަހުގެ ބާކީ އޮތް ދުވަސްތަކުގައިވެސް މި ހަރަކާތްތައް މެދުނުކެނޑި ކުރިއަށްދާނެ ކަމަށް އެ ޖަމްޢިއްޔާއިން ބުނެއެވެ.

ޖަމްޢިއްޔަތުއް ސަލަފުން ރަމަޟާން މަހަށް ގިނަ ހަރަކާތްތަކެއް: ބައިވެރިވުމުގެ ފުރުސަތު

ބަރަކާތްތެރި ރަމަޟާން މަހުގެ އިފްތާރު ވަގުތު ކައިރިވަމުން އަންނައިރު، ބަދިގެތެރެއިން ދުވާ މީރުވަސްތަކުންނާއި، އާއިލާއާ އެކު ރޯދަވީއްލުމަށް ކުރެވޭ އިންތިޒާރުން ހިތަށް އުފާވެރިކަން ގެނުވައިދެއެވެ. މިފަހަރުގެ ރަމަޟާން މަހުގެ އިފްތާރު މޭޒު އިތުރަށް ފުރިހަމަކޮށްލުމަށްޓަކައި، "ޗީޒް ރޯލްސް" އަކީ އަޖުމަބަލާލަން ވަރަށް ރަނގަޅު އެއްޗެކެވެ. މިއީ އަހަރެންގެވެސް އެންމެ ފޭވަރިޓް އެއް ރެސިޕީއެވެ. ވަރަށް މަޑު، ބަޓަރު ރަހަދޭ އަދި އަނގަޔަށް ދިޔާވާ ކަހަލަ ޗީޒީ ރޯލްތަކެކެވެ.

މި ޗީޒް ރޯލްސް އަކީ ބޭރުފުށުން ކްރިސްޕީ، އެތެރެއިން ސޮފްޓް އަދި ޗީޒުން ފުރިގެންވާ ސެވަރީ ރޯލްތަކެކެވެ. އިފްތާރު މޭޒަށް އާ ރަހައެއް އިތުރުކޮށްލަން ބޭނުންނަމަ، މިއީ އެންމެ އެކަށީގެންވާ ރެސިޕީއެވެ.

މި މީރު ޗީޒް ރޯލްސްތައް މިންޓް ރައިތާ ނުވަތަ މެރީނާރާ ސޯސްއަކާއެކު އިންސާފުކޮށްލުމުން ރަހަ އެތައް ގުނައަކަށް ފުރިހަމަވާނެއެވެ. އަހަރެން ޔަގީންކަމާއެކު ބުނަން ކެރިދާނެއެވެ؛ 

އެއްފަހަރު މި ރެސިޕީ ތައްޔާރުކޮށްލައިފިނަމަ، މިއީ ކޮންމެ އަހަރެއްގެ ރަމަޟާން މެނޫގައިވެސް ހިމެނޭނެ ޚާއްޞަ ބާވަތަކަށް ވާނެއެވެ. އާއިލާގެ އެންމެންނަށްވެސް މި ރޯލްތަކުގެ ރަހަ ވަރަށް

ކާނާ

ރަމަޟާން މަހުގެ އިފްތާރަށް ޚާއްޞަ: މީރު އަދި ފަސޭހަ ޗީޒް ރޯލްސް

އިސްލާމްދީނާއި ސިޔާސަތަކީ ވަކި ދެ އެއްޗެއް ކަމަށް ދައްކައި، އެގޮތަށް ވަކާލާތު ކުރާ ފަރާތްތައް ނުރުހުނު ކަމުގައި ވިޔަސް، ދިވެހި ދައުލަތް ހިންގުމުގައި އަބަދުވެސް އިސްކުރާނީ އިސްލާމްދީން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ މިހެން ވިދާޅުވީ ރައްޔިތުންގެ މަޖިލީހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާގައި ރިޔާސީ ބަޔާން އިއްވަވައި ދެއްވަމުންނެވެ. މި ޖަލްސާގެ ރިޔާސަތުގައި އިންނެވީ މަޖިލީހުގެ ރައީސް ޢަބްދުއްރަޙީމް ޢަބްދުﷲ އެވެ.

ރައީސްގެ ބަޔާނުގައި ދިވެހިރާއްޖެއަކީ ސައްތައިން ސައްތަ އިސްލާމީ ގައުމެއްކަން ފާހަގަކުރައްވައި، ގައުމުގެ ހުރިހާ ކަމެއް ބައްޓަންކުރަންވާނީ އިސްލާމްދީނުގައިވާ ގޮތުގެ މަތީން ކަމަށް ބާރުއަޅުއްވައި ވިދާޅުވިއެވެ.

"ދައުލަތް ހިންގުމުގެ ހުރިހާ ކަމެއްގައިވެސް މާތްވެގެންވާ އިސްލާމްދީނުގައި އަންގަވާފައިވާ އުސޫލުތަކާ ހަމަތަކަށް ކަންކަން ބައްޓަންކޮށް ތަރައްގީ ކުރުމަކީ މި ސަރުކާރުގެ ސިޔާސަތު. އެހެނީ މާތް الله މާތްވެގެންވާ އިސްލާމްދީނުގައި، އަޅުގަނޑުމެން މުސްލިމުން އުޅެން އެކަލާނގެ ރުހިވޮޑިގެންވާ ގޮތް ވަނީ، ފުރިހަމަކޮށް ބަޔާން ކުރައްވާފަ. އަޅުގަނޑުމެންގެ މި ގައުމަކީ ސައްތައިން ސައްތަ އިސްލާމީ ގައުމެއް. މި ގައުމުގައި ކަންކަން ބައްޓަންކުރަންވާނީ މި ފުރިހަމަ ދީނުގައިވާ ގޮތުގެ މަތީން،" ރައީސް ވިދާޅުވިއެވެ.

މީގެ އިތުރުން، ދިވެހި ދައުލަތް ހިންގުމުގެ ކަންކަން އިސްލާމްދީނާ އެއްގޮތަށް ބައްޓަން ކުރުމަކީ ރައީސުލްޖުމްހޫރިއްޔާގެ މައްޗަށް ލާޒިމް ކަމެއްކަން ފާހަގަކުރައްވައި، ބައެއްގެ ނުރުހުން އަމާޒުވި ނަމަވެސް އެ ސިޔާސަތު ތަންފީޒު ކުރެއްވުމުގައި ދެމިހުންނަވާނެ ކަމުގެ ޔަގީންކަން އެމަނިކުފާނު ދެއްވިއެވެ.

ރައީސް ވިދާޅުވި ގޮތުގައި، ސައްތައިން ސައްތަ އިސްލާމީ ދައުލަތެއްގައި ދީނުގައިވާ ގޮތަށް ކަންކަން ހިންގުމަށް ސިޔާސަތުތައް ބައްޓަންކުރުމަކީ ދައުލަތުގެ އެންމެ އިސްވެރިޔާގެ ޒިންމާއެކެވެ. 

"ދީނާއި ސިޔާސަތު ވަކިކުރުމުގެ ފިކުރިއްޔާތުގެ އަހުލުވެރީން އެހެން ގޮތަކަށް މިކަން ދުށުމަކުން އަޅުގަނޑުގެ ކުޑަވެސް ފަރުވާލެއް ނެތް،" ކަމަށް ރައީސް ވިދާޅުވިއެވެ.

ރައީސުލްޖުމްހޫރިއްޔާ ޑރ. މުޢިއްޒު މިއަދުގެ ރިޔާސީ ބަޔާން ފެއްޓެވީވެސް ދީނީ ގޮތުން ފާއިތުވި އަހަރު ކުރެވުނު މުހިންމު މަސައްކަތްތަކާއި، މިއަހަރުގެ ތެރޭގައި ކުރަން ރޭވިފައިވާ ދީނީ ކަންކަމުގެ ތަފްސީލުތައް ހިއްސާކުރައްވަމުންނެވެ. މި ޖަލްސާގައި ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފް ވެސް ބައިވެރިވެވަޑައިގެންނެވިއެވެ.

ދީނާ ސިޔާސަތު ވަކިކުރާ ފަރާތްތައް ނުރުހުނަސް ދައުލަތް ހިންގުމުގައި އިސްކުރާނީ އިސްލާމްދީން: ރައީސް

މިއަހަރުގެ ބަރަކާތްތެރި ރަމަޟާން މަހު މާލެ ސަރަޙައްދުގެ މިސްކިތްތަކުގައި އިމާމުވެ، ހިފްޒުކޮށް ތަރާވީޙު ނަމާދުކުރުމަށް 37 ދިވެހި ޙާފިޡުން ހަމަޖައްސާފައިވާ ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.

ވަޒީރު ވިދާޅުވި ގޮތުގައި، މިފަހަރު ހޮވާލެވުނު ޙާފިޡުންގެ ތެރޭގައި ގިނައީ ރީތިކޮށް ޤުރުއާން ކިޔަވާ ޒުވާން ޙާފިޡުންނެވެ. މި ޙާފިޡުންނަށް ފުރުޞަތު ހުޅުވާލާފައިވަނީ މިދިޔަ ނޮވެމްބަރު މަހުގެ ތެރޭގައެވެ. މި މަސައްކަތަކީ އިސްލާމީ ކަންތައްތަކާ ބެހޭ ވުޒާރާއިން ކައުންސިލްތަކާ ގުޅިގެން ކުރިއަށްގެންދާ މަސައްކަތެކެވެ.

މީގެ އިތުރުން، މިއަހަރުގެ ރަމަޟާން މަހު އިސްލާމީ މަރުކަޒާއި ކިންގް ސަލްމާން މިސްކިތުގައި ވެސް އިމާމުވެ ތަރާވީޙު ނަމާދު ކުރާނީ ދިވެހި ޙާފިޡުން ކަމަށް ވަޒީރު ވިދާޅުވިއެވެ. އަދި އެ ދެ މިސްކިތުގައި ހުކުރު ޚުޠުބާ ކިޔުމުގެ ފުރުޞަތު ފާހަގަކޮށްލެވޭ ޒުވާން ޚަޠީބުންނަށް ދިނުމަށް ވަނީ ނިންމާފައެވެ.

މިސްކިތްތަކުގެ އިންތިޒާމުތަކަށް އައިސްފައިވާ ބަދަލުތަކާ ގުޅޭގޮތުން ވާހަކަފުޅު ދައްކަވަމުން ވަޒީރު ވިދާޅުވީ، ކުރުކޮށް ކިޔަވައި ނަމާދުކުރާ މިސްކިތްތައް މިއަހަރު އިތުރުކޮށްފައިވާނެ ކަމަށެވެ. މީގެ ކުރިން ކުރުކޮށް ނަމާދުކުރާ މިސްކިތެއްގެ ގޮތުގައި ފާހަގަކުރެވުނު މަޖީދީ މަގުގައި ހުންނަ ސުލްޠާން ޢާދިލް މިސްކިތުގައި (ގަލޮޅު ދަނޑު ކުރިމަތި) މިއަހަރު ކުރާނީ ދިގުކޮށް ހިފްޒުކޮށް ކަމަށް ވަޒީރު ވިދާޅުވިއެވެ. މި ބަދަލު ގެނައީ އެ މިސްކިތުގެ ޖަމާޢަތް ބޮޑުވެ، މަޖީދީ މަގު ބަންދުވެ ދަތުރުފަތުރަށް ދަތިވާތީ އެކަމަށް ޙައްލެއް ހޯދުމަށެވެ. އޭގެ ބަދަލުގައި ބަރުބަރީ މިސްކިތުގައި ކުރުކޮށް ތަރާވީޙު ނަމާދުކުރުމަށް ވަނީ ހަމަޖައްސާފައެވެ.

ޑރ. ޝަހީމް އިތުރަށް ވިދާޅުވީ، ސަރުކާރުގެ އަމާޒަކީ 2027 ވަނަ އަހަރު އަންނައިރު މާލެ ސަރަޙައްދުގެ ހުރިހާ މިސްކިތެއްގައި ތަރާވީޙު ނަމާދުކުރާ އިމާމުންނަކީ ދިވެހިން ކަމުގައި ހެދުން ކަމަށެވެ. މިހާރުވެސް ރާއްޖޭގެ އެކި ރަށްރަށުގައި ގިނަ ޢަދަދެއްގެ ދިވެހި ޙާފިޡުން އިމާމުވެ ނަމާދުކުރާނެއެވެ. އަދި މިއަހަރުގެ ޢީދު ނަމާދުގެ ބޮޑު ޖަމާޢަތްތަކުގައި ވެސް ޒުވާން ޚަޠީބުން އިމާމުވެ ނަމާދުކުރާނެ ކަމަށް ވަޒީރު ފާހަގަކުރެއްވިއެވެ.

މާލެ ސަރަޙައްދުގައި ނަމާދުކުރާ 47 މިސްކިތް ހުންނައިރު، އޭގެ ތެރެއިން ގިނަ މިސްކިތްތަކުގައި ތަރާވީޙު ނަމާދު ކުރުމުގެ އިންތިޒާމުތައް ވަނީ ހަމަޖައްސާފައެވެ.

Featured Side Cards

މާލެ ސަރަޙައްދުގައި 37 ދިވެހި ޙާފިޡުން ހިފްޒުކޮށް ތަރާވީޙު ނަމާދު ކުރާނެ

މޯލްޑިވިއަން ބްލަޑް ސާވިސް (އެމްބީއެސް) ގެ ބްލަޑް ބޭންކުން ލޭ ހުސްވާން ގާތްވެފައިވާތީ، އެކަމަށް އެހީތެރިވުމުގެ ގޮތުން ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މުވައްޒަފުން އިސްނަގައިގެން ލޭ ހަދިޔާކުރުމުގެ ޚާއްޞަ ކޭމްޕެއް ބޭއްވުމަށް ތައްޔާރުވެއްޖެއެވެ.

އެޗްޑީސީން މިއަދު ވިދާޅުވީ، އެމްބީއެސްއާ ގުޅިގެން ކުރިއަށްގެންދާ މި ބްލަޑް ޑޮނޭޝަން ކޭމްޕް އޮންނާނީ މާދަމާ ކަމަށެވެ. މިއީ ރާއްޖޭގެ ބްލަޑް ބޭންކުން ވަރަށް ބޮޑަށް ލޭ މަދުވެ، ވީހާވެސް އަވަހަކަށް ލޭ ހަދިޔާކުރުމަށް އެމްބީއެސް އިން ކޮށްފައިވާ އިއުލާނާ ގުޅިގެން، އެ ކޯޕަރޭޝަނުން އިޖުތިމާއީ ޒިންމާގެ ދަށުން ކުރިއަށްގެންދާ ހަރަކާތެކެވެ.

ލޭ ލިބުން ދަތިވެ، އާންމުންގެ އެހީތެރިކަމަށް އެމްބީއެސް އިން އެދުނީ މީގެ ދެ ދުވަސް ކުރިންނެވެ. އެ އިދާރާއިން ހާމަކޮށްފައިވާ ގޮތުގައި މިވަގުތު އެންމެ ބޮޑަށް ބޭނުންވަނީ އޭ+، އޯ+، ބީ+، އޭބީ+، ބީ- އަދި އޯ- ގްރޫޕްގެ ލެއެވެ.

އެޗްޑީސީން ވިދާޅުވި ގޮތުގައި މި ކޭމްޕުގެ މައިގަނޑު މަގްސަދަކީ ބްލަޑް ބޭންކަށް ލޭ ބޭނުންވެފައިވާ މި ދަނޑިވަޅުގައި، އެކަމަށް ދާއިމީ ހައްލެއް ހޯދައިދިނުމަށް އެޗްޑީސީގެ މުވައްޒަފުންގެ ފަރާތުން އެހީތެރިކަން ފޯރުކޮށްދިނުމެވެ.

ލޭ ހަދިޔާކުރުމުގެ ފުރުސަތު ހުޅުވާލެވިފައިވަނީ އުމުރުން 18 އަހަރުން މަތީގެ މީހުންނަށެވެ. އަދި ލޭ ހަދިޔާކުރާ މީހުންގެ ބަރުދަނުގައި މަދުވެގެން 45 ކިލޯ ހުންނަންޖެހޭނެއެވެ. މީގެ އިތުރުން، ލޭ ދޭން އައުމުގެ ކުރިން މަދުވެގެން ހަ ގަޑިއިރުގެ ނިދި ހަމަކުރުމަށާއި، ލޭ ދިނުމުގެ އެއް ގަޑިއިރު ކުރިން ރަނގަޅަށް ކައިގެން ހުރުމަށް އެމްބީއެސް އިން އިރުޝާދު ދެއްވައެވެ.

ސިއްހަތު

އެޗްޑީސީގެ މުވައްޒަފުން ބްލަޑް ބޭންކަށް ލޭ ހަދިޔާ ކުރަނީ

ދިވެހިރާއްޖޭގައި ކެންސަރު ބަލި ޖެހިފައިވާ މީހުންގެ ތަފާސްހިސާބުތަކަށް ބަލާއިރު، މާލެ ސަރަޙައްދު ފިޔަވައި އެންމެ ގިނައިން މި ބަލީގެ މީހުން ތިބީ އައްޑޫ ސިޓީގައި ކަމަށް ހުޅުމާލެ ހޮސްޕިޓަލުގެ ތަފާސްހިސާބުތަކުން ހާމަވެއްޖެއެވެ.

ސިއްހީ ވުޒާރާއިން އާންމުކޮށްފައިވާ މައުލޫމާތުތަކަށް ބަލާއިރު، މާލެ ސަރަޙައްދަށް ފަހު ދެވަނައަށް އެންމެ ގިނައިން ކެންސަރު ބަލި މީހުން ރަޖިސްޓްރީވެފައިވަނީ ސ. އަތޮޅު ނުވަތަ އައްޑޫ ސިޓީގައެވެ. ތަފާސްހިސާބުތަކުން ދައްކާ ގޮތުގައި ތިންވަނައަށް އެންމެ ގިނަ މީހުން ށ. އަތޮޅުގައި ތިބިއިރު، ހަތަރުވަނައަށް އެންމެ ގިނަ މީހުން ރަޖިސްޓްރީވެފައިވަނީ ރ. އަތޮޅުގައެވެ. އުނގޫފާރު ހޮސްޕިޓަލުގެ ހިސާބުތަކަށް ބަލާއިރު، ރ. އަތޮޅުގައި އެކަނިވެސް މިވަގުތު ކެންސަރަށް ފަރުވާ ހޯދަމުންދާ 58 ބަލި މީހުން އެބަތިއްބެވެ.

ރާއްޖޭގައި ކެންސަރުގެ ފަރުވާއަށް ބޭނުންވާ ކީމޯތެރަޕީގެ ޚިދުމަތް އެންމެ ފުރަތަމަ ފަށާފައިވަނީ 2014 ވަނަ އަހަރުގައެވެ. މާލެއިން ބޭރުގައި މި ޚިދުމަތް އެންމެ ފުރަތަމަ ދޭން ފެށީ 2020 ވަނަ އަހަރު ނައިފަރުގައި ހުންނަ ޅ. އަތޮޅު ހޮސްޕިޓަލުގައެވެ. އޭގެ ފަހުން 2023 ވަނަ އަހަރުގެ ތެރޭގައި ގދ. ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލާއި، ކުޅުދުއްފުށީ ރީޖަނަލް ހޮސްޕިޓަލުގައިވެސް ކީމޯ ދެވޭނެ އިންތިޒާމު ވަނީ ގާއިމުކޮށްފައެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާ ގޮތުގައި، ކެންސަރަކީ މިހާރު ރާއްޖޭގައި ތިންވަނައަށް އެންމެ ގިނަ މީހުން މަރުވާ ބައްޔެވެ. ތަފާސްހިސާބުތަކަށް ބަލާއިރު، ދިވެހި ފިރިހެނުންގެ މެދުގައި އެންމެ އާންމީ ފުއްޕާމޭގެ ކެންސަރެވެ. އަދި އަންހެނުންގެ މެދުގައި އެންމެ ގިނައިން ފެންނަނީ އުރަމަތީގެ ކެންސަރެވެ.

މި ސަރުކާރުގެ އަމާޒަކީ ރާއްޖޭގެ އެކި ސަރަޙައްދުތަކުގައި ސިއްހީ ޚިދުމަތްތައް ފުޅާކޮށް، ކެންސަރު ފަދަ ނުރައްކާތެރި ބަލިތަކަށް ފަސޭހައިން ފަރުވާ ލިބޭނެ މަގު ފަހިކޮށްދިނުމެވެ.

ކެންސަރުގެ ބަލި މީހުން ދެވަނައަށް އެންމެ ގިނައީ އައްޑޫގައި

މޯލްޑިވިއަން ބްލަޑް ސާވިސް (އެމްބީއެސް) އަށް ލޭ ލިބުމުގައި ދަތިތަކަކާ ކުރިމަތިވެފައިވާތީ، ވީހާވެސް ގިނަ ފަރާތްތަކުން ލޭ ހަދިޔާކުރުމަށް އެ އިދާރާއިން މިއަދު އާއްމުންގެ އެހީތެރިކަމަށް އެދިއްޖެއެވެ.

އެމްބީއެސް އިން މިއަދު ކުރި ސޯޝަލް މީޑިއާ ޕޯސްޓެއްގައި ވިދާޅުވީ، އެ އިދާރާގެ ބްލަޑް ބޭންކުގައި ލޭ ހުރި މިންވަރު ދަށްވެފައިވާތީ، މިވަގުތު ލޭ ވަރަށް ބޮޑަށް ބޭނުންވާ ކަމަށެވެ. ޚާއްޞަކޮށް އޭ+ (A+)، އޯ+ (O+)، ބީ+ (B+)، އޭބީ+ (AB+)، ބީ- (B-) އަދި އޯ- (O-) ގެ ލޭ ބޭނުންވާކަމަށް އެ އިދާރާއިން ފާހަގަކުރައްވާފައިވެއެވެ.

ލޭ ހަދިޔާކުރުމުގެ ފުރުސަތު ހުޅުވާލެވިފައިވަނީ އުމުރުން 18 އަހަރުން މަތީގެ މީހުންނަށެވެ. ލޭ ދިނުމަށް އެދޭ ފަރާތްތަކުގެ ކިބައިގައި ހުންނަންޖެހޭ ޝަރުތުތަކުގެ ތެރޭގައި:

މޯލްޑިވިއަން ބްލަޑް ސާވިސް މިހާރު ހުންނަނީ ހުޅުމާލެ ފޭސް އެކެއްގެ އޮރެންޖް ހިޔާގައެވެ. ލޭ ހަދިޔާކުރަން ބޭނުންވާ ފަރާތްތަކަށް އެމްބީއެސްގެ ބްލަޑް ބޭންކުން ޚިދުމަތް ދެމުންދާނީ ހޮނިހިރު ދުވަހުން ފެށިގެން ބުރާސްފަތި ދުވަހުގެ ނިޔަލަށެވެ. ކޮންމެ ދުވަހަކުވެސް ހެނދުނު 8:00 އިން ރޭގަނޑު 8:00 އާ ހަމައަށް ލޭ ހަދިޔާކުރުމުގެ އިންތިޒާމް އެމްބީއެސްގައި ވަނީ ހަމަޖައްސާފައެވެ.

ލޭގެ ރަސްމީ ބޭންކުގައި ލޭ މަދުވުމަކީ ތެލެސީމިއާ ކުދިންނަށާއި، ކުއްލި ހާލަތްތަކުގައި ލޭ ބޭނުންވާ ފަރާތްތަކަށް ބޮޑެތި ގޮންޖެހުންތަކެއް ކުރިމަތިވާ ކަމަކަށްވާތީ، ވީހާވެސް ގިނަ އާއްމުން ލޭ ހަދިޔާކުރުމަށް އެމްބީއެސް އިން އިލްތިމާސް ކުރައްވައެވެ.

ލޭ ލިބުން ދަތިވެ، ލޭ ހަދިޔާކުރުމަށް އެމްބީއެސް އިން އާއްމުންގެ އެހީއަށް އެދިއްޖެ

ދ. ކުޑަހުވަދޫގައި ހުންނަ ދ. އަތޮޅު ހޮސްޕިޓަލުގައި ޑައިލިސިސްގެ ހިދުމަތް ރަސްމީކޮށް ފަށައިފިއެވެ. މި މުހިންމު ހިދުމަތް އެ ހޮސްޕިޓަލުގައި ފައްޓަވައިދެއްވީ ސިއްހީ ވަޒީރު އަބްދުﷲ ނާޒިމް އިބްރާހިމެވެ.

ޑައިލިސިސްގެ ހިދުމަތަކީ ކިޑްނީ ބަލި ތަހައްމަލް ކުރަމުންދާ މީހުންގެ ތެރެއިން ކިޑްނީގެ މަސައްކަތް (ފަންކްޝަން) ވަކިވަރަކަށްވުރެ ދަށްވުމުން، ކޮންމެ ހަފްތާއަކު ދޭއް ނުވަތަ ތިން ދުވަހު މެޝިންގެ އެހީގައި ހޯދަންޖެހޭ ފުރާނައާ ގުޅިފައިވާ މުހިންމު ފަރުވާއެކެވެ. މި ފަރުވާ ފުރިހަމަކުރުމަށް ކޮންމެ ދުވަހަކު ގާތްގަނޑަކަށް ހަތަރު ގަޑިއިރު މެޝިނާ ގުޅިފައި ހުންނަންޖެހެއެވެ.

މި ހިދުމަތް ރާއްޖޭގެ އެކި ސަރަހައްދުތަކަށް ފުޅާކުރުމަށް ސަރުކާރުން ކުރަމުންދާ މަސައްކަތުގެ ދަށުން، މިހާރުވެސް މާލެ ސަރަހައްދުގެ އައިޖީއެމްއެޗް، ހުޅުމާލެ ހޮސްޕިޓަލް އަދި ވިލިމާލެ ހޮސްޕިޓަލުން މި ހިދުމަތް ދަނީ ފޯރުކޮށްދެމުންނެވެ. މީގެ އިތުރުން ރާއްޖޭގެ ގިނަ ރީޖަނަލް ހޮސްޕިޓަލްތަކާއި، ފުވައްމުލަކު ސިޓީ އަދި އައްޑޫ އިކުއިޓޯރިއަލް ހޮސްޕިޓަލުންވެސް ޑައިލިސިސްގެ ފަރުވާ ލިބެން ހުރެއެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ސިއްހީ ހިދުމަތްތައް ރައްޔިތުންނާ ގާތުން ފޯރުކޮށްދިނުމަށް އިސްކަންދޭއިރު، ފާއިތުވި ދެ އަހަރު ދުވަހުގެ ތެރޭގައި އެކަނިވެސް ރާއްޖޭގެ 11 ރަށެއްގައި މި ހިދުމަތް އަލަށް ގާއިމުކޮށް ފޯރުކޮށްދެވިފައިވާކަން ފާހަގަކޮށްލެވެއެވެ. މިއީ އަތޮޅުތެރޭގައި ދިރިއުޅޭ ކިޑްނީ ބަލީގެ ފަރާތްތަކަށް ފަރުވާ ހޯދުމަށް މާލެއަށް ކުރަންޖެހޭ ދަތުރުތައް މަދުވެ، ލިބިގެންދިޔަ ވަރަށް ބޮޑު ލުޔެކެވެ.

ދ. އަތޮޅު ހޮސްޕިޓަލުގައި ޑައިލިސިސްގެ ހިދުމަތް ފަށައިފި

ލައިފްސްޓައިލް

މާދަމާ މާލޭގެ 26 މިސްކިތެއްގައި ހުތުބާދީ އިމާމުވެ ހުކުރު ކުރާނީ ޒުވާން ޚަތީބުން ކަމުގައި އިސްލާމިކް މިނިސްޓްރީން ހާމަކޮށްފިއެވެ. މިއީ ރާއްޖޭގެ ތާރީހުގައި މިހާ ގިނަ އަދަދެއްގެ ޒުވާން ޚަތީބުން އެއް ފަހަރާ މާލޭގެ މިސްކިތްތަކުގައި ހުކުރު ކުރާ ފުރަތަމަ ފަހަރެވެ.

މިކަމާ ގުޅޭގޮތުން އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު މިރޭ ވިދާޅުވީ މާދަމާ އަކީ ވަރަށް އުފާވެރި އެހާމެ ތާރީހީ ދުވަހެއް ކަމަށެވެ. މާދަމާގެ ހުކުރު ނަމާދަށް މާލެ ސިޓީގެ 26 މިސްކިތެއްގައި ޒުވާން ޚަތީބުން އިމާމުވެ ހަރަކާތްތެރިވާނެކަން މިނިސްޓަރު ކަށަވަރުކޮށްދެއްވިއެވެ.

ޒުވާން ޚަތީބުން ހުކުރު ކުރާ މިސްކިތްތަކުގެ ތެރޭގައި މާލޭގެ އެންމެ ބޮޑެތި އަދި މުހިންމު މިސްކިތްތައް ހިމެނެއެވެ. އެގޮތުން:

މިއީ އިސްލާމީ މަރުކަޒާއި ސަލްމާން މިސްކިތުގައި ޒުވާން ޚަތީބަކު އިމާމުވެ ހުކުރު ކުރާ ތާރީހީ ފުރަތަމަ ފަހަރެވެ.

މިނިސްޓަރު ޝަހީމް ފާހަގަކުރެއްވި ގޮތުގައި މި ހުރިހާ ޚަތީބުންނަކީ ވެސް އިލްމީ ގޮތުން ގާބިލު އަދި ރީތިކޮށް ކީރިތި ޤުރުއާން ކިޔަވާ ޒުވާނުންނެވެ. މި ފުރުސަތު ދިނުމުގެ މައިގަނޑު މަގުސަދަކީ ޒުވާނުންގެ ލީޑާޝިޕް ބަލައިގަންނަކަން ހާމަކުރުމާއި، އިސްލާމީ ޚިދުމަތުގައި ޒުވާނުންނަށް އޮތް ފުރުސަތުތައް ތަނަވަސްކޮށްދިނުމެވެ. އަދި މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޒުވާން ޖީލު ބިނާކުރެއްވުމަށް ފެއްޓެވި މުހިންމު މަސައްކަތްޕުޅަށް ބާރު ދިނުމުގެ ގޮތުން ކުރެވޭ ކަމެއް ކަމަށްވެސް މިނިސްޓަރު ވިދާޅުވިއެވެ.

ޒުވާން ޚަތީބުން ތަމްރީނު ކުރުމަށް އިސްލާމިކް މިނިސްޓްރީން ވަނީ މިހާތަނަށް ތިން ބުރެއްގެ މަތީން ޚާއްސަ ޕްރަގްރާމްތަކެއް ކުރިއަށް ގެންގޮސްފައެވެ. މި ޕްރަގްރާމްތަކުގެ ދަށުން މިހާތަނަށް 503 ޚަތީބުން ތަމްރީނު ކޮށްފައިވާއިރު، ސަރުކާރުގެ އަމާޒަކީ މި ދައުރުގެ ތެރޭގައި ޖުމްލަ 500 ޒުވާން ޚަތީބުން ތަމްރީނު ކުރުމެވެ.

މިހާރުވެސް މާލެއާއި އަތޮޅުތަކުގެ އެކި މިސްކިތްތަކުގައި ޒުވާން ޚަތީބުން ދަނީ އިމާމުވެ ނަމާދު ކުރުމާއި، ހުކުރު ޚުތުބާ ދިނުމުގެ އިތުރުން ތަރާވީޙު ނަމާދު އިމާމުވެ ކުރުމުގައިވެސް ނަމޫނާ ދައްކަމުންނެވެ.