habaru page ad two

މާދަމާ މާލޭގެ 26 މިސްކިތެއްގައި ހުތުބާދީ އިމާމުވެ ހުކުރު ކުރާނީ ޒުވާން ޚަތީބުން ކަމުގައި އިސްލާމިކް މިނިސްޓްރީން ހާމަކޮށްފިއެވެ. މިއީ ރާއްޖޭގެ ތާރީހުގައި މިހާ ގިނަ އަދަދެއްގެ ޒުވާން ޚަތީބުން އެއް ފަހަރާ މާލޭގެ މިސްކިތްތަކުގައި ހުކުރު ކުރާ ފުރަތަމަ ފަހަރެވެ.

މިކަމާ ގުޅޭގޮތުން އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު މިރޭ ވިދާޅުވީ މާދަމާ އަކީ ވަރަށް އުފާވެރި އެހާމެ ތާރީހީ ދުވަހެއް ކަމަށެވެ. މާދަމާގެ ހުކުރު ނަމާދަށް މާލެ ސިޓީގެ 26 މިސްކިތެއްގައި ޒުވާން ޚަތީބުން އިމާމުވެ ހަރަކާތްތެރިވާނެކަން މިނިސްޓަރު ކަށަވަރުކޮށްދެއްވިއެވެ.

ޒުވާން ޚަތީބުން ހުކުރު ކުރާ މިސްކިތްތަކުގެ ތެރޭގައި މާލޭގެ އެންމެ ބޮޑެތި އަދި މުހިންމު މިސްކިތްތައް ހިމެނެއެވެ. އެގޮތުން:

މިއީ އިސްލާމީ މަރުކަޒާއި ސަލްމާން މިސްކިތުގައި ޒުވާން ޚަތީބަކު އިމާމުވެ ހުކުރު ކުރާ ތާރީހީ ފުރަތަމަ ފަހަރެވެ.

މިނިސްޓަރު ޝަހީމް ފާހަގަކުރެއްވި ގޮތުގައި މި ހުރިހާ ޚަތީބުންނަކީ ވެސް އިލްމީ ގޮތުން ގާބިލު އަދި ރީތިކޮށް ކީރިތި ޤުރުއާން ކިޔަވާ ޒުވާނުންނެވެ. މި ފުރުސަތު ދިނުމުގެ މައިގަނޑު މަގުސަދަކީ ޒުވާނުންގެ ލީޑާޝިޕް ބަލައިގަންނަކަން ހާމަކުރުމާއި، އިސްލާމީ ޚިދުމަތުގައި ޒުވާނުންނަށް އޮތް ފުރުސަތުތައް ތަނަވަސްކޮށްދިނުމެވެ. އަދި މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޒުވާން ޖީލު ބިނާކުރެއްވުމަށް ފެއްޓެވި މުހިންމު މަސައްކަތްޕުޅަށް ބާރު ދިނުމުގެ ގޮތުން ކުރެވޭ ކަމެއް ކަމަށްވެސް މިނިސްޓަރު ވިދާޅުވިއެވެ.

ޒުވާން ޚަތީބުން ތަމްރީނު ކުރުމަށް އިސްލާމިކް މިނިސްޓްރީން ވަނީ މިހާތަނަށް ތިން ބުރެއްގެ މަތީން ޚާއްސަ ޕްރަގްރާމްތަކެއް ކުރިއަށް ގެންގޮސްފައެވެ. މި ޕްރަގްރާމްތަކުގެ ދަށުން މިހާތަނަށް 503 ޚަތީބުން ތަމްރީނު ކޮށްފައިވާއިރު، ސަރުކާރުގެ އަމާޒަކީ މި ދައުރުގެ ތެރޭގައި ޖުމްލަ 500 ޒުވާން ޚަތީބުން ތަމްރީނު ކުރުމެވެ.

މިހާރުވެސް މާލެއާއި އަތޮޅުތަކުގެ އެކި މިސްކިތްތަކުގައި ޒުވާން ޚަތީބުން ދަނީ އިމާމުވެ ނަމާދު ކުރުމާއި، ހުކުރު ޚުތުބާ ދިނުމުގެ އިތުރުން ތަރާވީޙު ނަމާދު އިމާމުވެ ކުރުމުގައިވެސް ނަމޫނާ ދައްކަމުންނެވެ.

ތާރީހީ ދުވަހެެއް: މާލޭގެ 26 މިސްކިތެއްގައި މާދަމާ އިމާމުވެ ހުކުރު ކުރާނީ ޒުވާން ޚަތީބުން

1447 ވަނަ އަހަރުގެ ބަރަކާތްތެރި ރަމަޟާން މަހާ ދިމާކޮށް، ދީނީ ހޭލުންތެރިކަން އިތުރުކުރުމަށާއި އިޖުތިމާޢީ އެހީތެރިކަން ފޯރުކޮށްދިނުމަށް ޖަމްޢިއްޔަތުއް ސަލަފުގެ ފަރާތުން ގިނަގުނަ ހަރަކާތްތަކެއް ފަށައިގެން ކުރިއަށްދާ ކަމަށް އެ ޖަމްޢިއްޔާއިން ހާމަކޮށްފިއެވެ. ރަމަޟާން މަހުގެ ފުރަތަމަ ދިހަ ދުވަސް ނިމިގެންދިޔައިރު، މި ހަރަކާތްތަކަށް އާންމުންގެ ބޮޑު ތަރުހީބެއް ލިބެމުންދާކަން އެ ޖަމްޢިއްޔާއިން ވަނީ ފާހަގަކޮށްފައެވެ.

ސަލަފު ރޯދަ ހަދިޔާ" އިވެންޓަކީ މިއަހަރުގެ އެންމެ ފާހަގަކޮށްލެވޭ އެއް ހަރަކާތެވެ. 4,000 އަށް ވުރެ ގިނަ މީހުން އަމަލީ ގޮތުން ބައިވެރިވި މި އިވެންޓުގެ އެއްވަނަ އިނާމަކަށް ހުށަހަޅާފައިވަނީ ޙައްޖު ދަތުރެކެވެ. މީގެ އިތުރުން ސައިކަލަކާއި، ޢުމުރާ ދަތުރެއް ހިމެނޭހެން އަގުހުރި 9 އިނާމެއް ވަނީ ދީފައެވެ. އޮންލައިންކޮށް ބައިވެރިވި 15,000 މީހުންގެ މެދުގައިވެސް 90 ހަދިޔާއެއް ބަހާފައިވާއިރު، މި އިވެންޓުގައި އިލްމުވެރިންގެ ޕެނަލަކުން ދީނީ ސުވާލުތަކަށް ޖަވާބު ދިނުންވެސް ކުރިއަށް ދިޔައެވެ.

އިޖުތިމާޢީ އެހީތެރިކަން: "ވާބިލު" އަދި "ހަދާޔާ"

ނިކަމެތި އާއިލާތަކަށް އެހީވުމަށް ހިންގާ "ވާބިލު" ޕްރޮގްރާމުގެ ދަށުން މިއަހަރު މިހާތަނަށް 61 އާއިލާއަކަށް ރެޑްވޭވްގެ ފިހާރަތަކުން ވިޔަފާރިކުރެވޭނެ ވައުޗަރު ވަނީ ހަދިޔާކޮށްފައެވެ. ހަމައެއާއެކު، ހޮސްޕިޓަލްތަކުގައި ތިއްބަވާ މުވައްޒަފުންނާއި ބަލިމީހުންގެ އެހީތެރިންނަށް ރޯދަވީއްލުން ފޯރުކޮށްދިނުމަށް ހިންގާ "ހަދާޔާ" ޕްރޮގްރާމުގެ ދަށުން، ފުރަތަމަ ދިހަ ދުވަހު އައި.ޖީ.އެމް.އެޗް ގައި 3,650 ޕެކް އަދި ހުޅުމާލެ ހޮސްޕިޓަލުގައި 2,100 ޕެކް ވަނީ ބަހާފައެވެ. މިއަހަރު އަލަށް ރ. އުނގޫފާރު ރީޖަނަލް ހޮސްޕިޓަލުގައިވެސް މި ޚިދުމަތް ވަނީ ފަށާފައެވެ.

މިސްކިތު ސުފުރާ އަދި ދަރުސްތައް

މާލޭގެ އިސްލާމީ މަރުކަޒާއި ހުޅުމާލޭގެ މަސްޖިދު އަބޫބަކުރު އައްޞިއްދީޤުގައި ކޮންމެ ދުވަހަކު ރޯދަ ސުފުރާ އަންނަނީ ބާއްވަމުންނެވެ. މިގޮތުން އިސްލާމީ މަރުކަޒުގައި ދުވާލަކު 400 މީހުންނަށް އަދި ހުޅުމާލޭގައި 50 އަށް ވުރެ ގިނަ މީހުންނަށް ރޯދަވީއްލުން ފޯރުކޮށްދެއެވެ.

ދީނީ ހޭލުންތެރިކަން އިތުރުކުރުމުގެ ގޮތުން ފުރުޤާން މިސްކިތުގައި "ދުޢާ" މި މައުޟޫޢަށް ޢަޞްރު ނަމާދަށްފަހު ސިލްސިލާ ދަރުސްތައް ބާއްވަމުންދާތާ މިހާރު 11 އަހަރު ވެފައިވާއިރު، ހުޅުމާލެ މަސްޖިދު ރަޝީދުގައިވެސް ދަރުސްތައް ކުރިއަށްދެއެވެ. އަދި ރާއްޖޭގެ 17 ރަށެއްގައި "ސަލަފު ހަފްތާ ބަންދު ދަރުސް" ޕްރޮގްރާމް މިހާތަނަށް ވަނީ ހިންގާފައެވެ.

ޒުވާނުންނާއި ބިދޭސީންނަށް ޚާއްޞަ ހަރަކާތްތައް

މީސްމީޑިއާ މެދުވެރިކޮށް ކޮންމެ ދުވަހަކު "ސަލަފު ރޯދަ ސުވާލު" މުބާރާތް ކުރިއަށްދާއިރު، މަދަރުސާ ކުދިންނަށް ޚާއްޞަކޮށްގެން "ޑޯން އެންޑް ޑަސްކް" ކުއިޒްވެސް ކުރިއަށްދެއެވެ. މީގެ އިތުރުން، ރާއްޖޭގައި މަސައްކަތްކުރާ ބަންގްލަދޭޝް ރައްޔިތުންނަށް ޚާއްޞަކޮށްގެން ބަންގާޅު ބަހުން ދަރުސް ދިނުމަށް އެ ގައުމުގެ އިލްމުވެރިއަކު ގެނެސްގެން ވިޔަފާރިވެރިންގެ މިސްކިތުގައި ދަރުސްތައް އަންނަނީ ބާއްވަމުންނެވެ.

ޖަމްޢިއްޔަތުއް ސަލަފުން މަޢުލޫމާތު ދޭ ގޮތުގައި، މި ހުރިހާ ހަރަކާތްތަކަކީވެސް ދީލަތި ފަރާތްތަކާއި ކުންފުނިތަކުގެ އެހީތެރިކަމާއެކު ކުރިއަށްގެންދާ ހަރަކާތްތަކެކެވެ. ރަމަޟާން މަހުގެ ބާކީ އޮތް ދުވަސްތަކުގައިވެސް މި ހަރަކާތްތައް މެދުނުކެނޑި ކުރިއަށްދާނެ ކަމަށް އެ ޖަމްޢިއްޔާއިން ބުނެއެވެ.

ޖަމްޢިއްޔަތުއް ސަލަފުން ރަމަޟާން މަހަށް ގިނަ ހަރަކާތްތަކެއް: ބައިވެރިވުމުގެ ފުރުސަތު

އިސްލާމިކް ރިޕަބްލިކް އޮފް އީރާނަށް ހަމަލާދީ އެ ގައުމުގެ އެންމެ އިސް ލީޑަރު ޝަހީދުކޮށްލުމަށް އިޒްރޭލާއި އެމެރިކާއިން ހިންގި އަމަލުތަކަކީ ފިނޑިކަމުގެ ކޮޅެއްވެސް ނެތްހާ ފިނޑި އަމަލުތަކެއް ކަމަށް ކުރީގެ ރައީސް އަދި ދީނީ އިލްމުވެރިޔާ އަލްއުސްތާޛު މައުމޫން އަބްދުލްގައްޔޫމް ވިދާޅުވެއްޖެ އެވެ.

ރައީސް މައުމޫން މިހެން ވިދާޅުވީ އެމަނިކުފާނު އުފައްދަވާފައިވާ "މައުމޫން ފައުންޑޭޝަން" ގެ ފަރާތުން މިރޭ ބޭއްވި އިހްޔާ ސިލްސިލާގެ ޖަލްސާގައި ވާހަކަފުޅު ދައްކަވަމުންނެވެ. "މުއުމިނުންނަކީ އަޚުންތަކެއް" މި މައުލޫއަށް އެމަނިކުފާނު ދެއްވި ތަޤުރީރުގައި ވިދާޅުވީ، އެމެރިކާއާ އިޒްރޭލް ގުޅިގެން އީރާންގެ އެންމެ އިސް ލީޑަރު ޝަހީދުކޮށްލެއްވީ އެމަނިކުފާނުގެ އޮފީސްކޮޅުގައި މަސައްކަތްޕުޅުގައި އިންނަވަނިކޮށް ކަމަށެވެ. މިއީ ވަރަށް ނާތަހުޒީބު އަދި އެހާމެ ފިނޑި އަމަލެއް ކަމުގައި އެމަނިކުފާނު ސިފަކުރެއްވި އެވެ.

"މިހާރު މިހިނގަމުންދާ ކަންތައްތަކަކީ [އިޒްރޭލާއި އެމެރިކާއިން އީރާނަށް ހަމަލާ ދިނުމަކީ] ފިނޑި އަމަލުތަކެއް. ފިނޑިކަމުގެ ކޮޅެއްވެސް ނެތް އަމަލުތަކެއް. ބޮޑެތި ގައުމުތަކުގެ ވެރީން ރައްކާތެރި ތަންތާންގައި ނިދާފައި ތިބެގެން މި ފޮނުވަނީ އެކިކަހަލަ ރޮކެޓްތަކާއި އަދިވެސް އެނޫންވެސް ނުރައްކާތެރި ހަތިޔާރުތައް ފޮނުވައިގެން އެހެން މީހުން ނިދާފައި ތިއްބާ ނުވަތަ މަސައްކަތުގައި ތިއްބާ މި މަރަނީ. މިއީ ވަރަށް ނުރައްކާތެރި އެއްވެސް އުސޫލެއް ނެތް ފިނޑި އަމަލުތަކެއް،" ރައީސް މައުމޫން ވިދާޅުވި އެވެ.

ހަނގުރާމައަކީ ސުލްހައާ ހަމަޖެހުން ނަގާލާ އެއްޗެއްކަން ފާހަގަކުރައްވަމުން ރައީސް މައުމޫން ވިދާޅުވީ، ހަގީގަތުގައި ހަނގުރާމައަކީ ކޮށްގެން ވާނެ ކަމެއް ނޫން ކަމަށެވެ. ނަމަވެސް ކޮންމެހެން ހަނގުރާމައެއް ކުރަން ޖެހިއްޖެ ހާލަތެއްގައި ވެސް އެކަން ކުރަން ޖެހޭނީ އުސޫލެއްގެ ތެރެއިން ހަމަތަކެއްގެ މަތީގައި ކަމަށާއި، އެކަމުގެ އެންމެ ރީތި ނަމޫނާ އުންމަތުގެ ރަސޫލާ صلى الله عليه وسلم ދައްކަވައިދެއްވާފައިވާ ކަމަށް ވިދާޅުވި އެވެ. އެހެންނަމަވެސް އެމެރިކާއާ އިޒްރޭލުން މިއަދު ކުރަމުންދަނީ އެފަދަ އެއްވެސް އުސޫލެއް ނެތް ކަންތައްތަކެއް ކަމަށް އެމަނިކުފާނު ވިދާޅުވި އެވެ.

"ހަނގުރާމައަކީ ވެސް އަސްލު ކުރަން ނުޖެހޭ އެއްޗެއް. އެކަމަކު ކުރަން ޖެހޭ ހާލަތެއްގައި ވެސް ވަކި އުސޫލަކުން ކުރަން ޖެހޭ އެއްޗެއް. އެއްގޮތަކަށްވެސް ހަމަ ބޭނުންވިހާ ގޮތަކަށް މީހުންތައް މަރާ ތަންތަން ސުންނާފަތިކޮށް މިހެން ހަދައިގެން ނުވާނެ،" މައުމޫން ވިދާޅުވި އެވެ.

މީގެ އިތުރުން ރައީސް މައުމޫން ވިދާޅުވީ "މުއުމިނުން ވާކަން ކަށަވަރީ އަޚުންތަކެއް ކަމުގައި" މާތްالله އަންގާފައިވާ ކަމަށެވެ. އެހެންކަމުން މުސްލިމަަކަށް ނުވަތަ މުސްލިމު ގައުމަކަށް ދަތިކަމެއް ދިމާވެއްޖެނަމަ އެހެން ހުރިހާ މުސްލިމުން އެބަޔަކަށް އެހީތެރިވާން ޖެހޭނެ ކަމަށާއި، މުސްލިމުންނަކީ އަދުއްވުންގެ ހަމަލާތަކަށް ކުޅަދާނަވީ ވަރަކުން ތައްޔާރަށް ތިބެން ޖެހޭ ބަޔަކަށް ވާން ޖެހޭނެ ކަމަށް ވިދާޅުވި އެވެ. އަދި ހުރިހާ ކަމެއްގައި ވެސް ދީނުގައި އަންގާފައިވާ ރީތި އުސޫލުތައް އިސްކުރުމަށް އެމަނިކުފާނު ވަނީ އިލްތިމާސް ކުރައްވާފަ އެވެ.

އެމެރިކާއާ އިޒްރޭލްގެ އަމަލަކީ ފިނޑިކަމުގެ އެންމެ ފިނޑި އަމަލެއް: މައުމޫން

މި އަހަރުގެ ރަމަޟާން މަހުގެ ފުރަތަމަ ހަފްތާގައި މާލެ ސަރަހައްދުގައި ހިނގާފައިވާ އެކްސިޑެންޓްތަކުގެ އަދަދު، މިދިޔަ އަހަރުގެ އެ މުއްދަތާ އަޅާބަލާއިރު އިތުރުވެފައިވާ ކަމަށް ފުލުހުން ވިދާޅުވެއްޖެއެވެ.

ފުލުހުން އާންމުކުރި ތަފާސްހިސާބުތަކަށް ބަލާއިރު، ރޯދަ މަހުގެ ފުރަތަމަ ހަތް ދުވަހު އެންމެ ގިނަ އެކްސިޑެންޓްތައް ހިނގާފައިވަނީ މާލޭގެ މަޖީދީ މަގާއި، ސިނަމާލެ ބްރިޖް އަދި ހައިވޭގައެވެ.

މި އަހަރުގެ ރޯދަ މަހުގެ ފުރަތަމަ ހަފްތާގައި އެކްސިޑެންޓްތައް ހިނގާފައިވާ ގޮތުގެ ތަފްސީލަށް ބަލާއިރު:

ފުލުހުންގެ ތަފާސްހިސާބުތަކުން ދައްކާގޮތުގައި، ނިމިދިޔަ ފެބްރުއަރީ މަހަކީވެސް އެކްސިޑެންޓްތައް ގިނަ މަހެކެވެ. އެ މަހު ފުލުހުންނަށް ރިޕޯޓްކޮށްފައިވާ މައްސަލަތަކުގެ ތެރެއިން ދެވަނައަށް އެންމެ ގިނައީ ޓްރެފިކް އެކްސިޑެންޓްތަކެވެ. އެގޮތުން ޖުމްލަ 250 އެކްސިޑެންޓް ފެބްރުއަރީ މަހު ރިޕޯޓްކޮށްފައިވެއެވެ.

މަގުމަތީގެ ނުރައްކާތެރި ހާދިސާތައް އިތުރުވަމުންދާތީ، މަގުތަކުގައި އުޅަނދު ދުއްވާއިރު އަމިއްލަ ސަލާމަތާއި އެހެން މީހުންގެ ސަލާމަތަށް ބަލައިގެން، މަގުމަތީގެ ގަވާއިދުތަކަށް ފުރިހަމައަށް ބޯލެނބުމަށް ފުލުހުން ވަނީ އާންމުންނަށް އިލްތިމާސްކުރައްވާފައެވެ. ރޯދަ މަހަކީ މަގުމަތީގެ ބާރުބޮޑު މަހަކަށްވާތީ، ދުއްވާ ފަރާތްތަކުން އިތުރަށް ސަމާލުވުމަކީ މިފަދަ ހާދިސާތައް މަދުކުރުމަށް އެޅޭނެ މުހިންމު ފިޔަވަޅެކެވެ.

ރޯދަ މަހުގެ ފުރަތަމަ ހަފްތާގައި މާލެ ސަރަހައްދުގައި އެކްސިޑެންޓްތަކުގެ އަދަދު މައްޗަށް ގޮސްފި

ދައުލަތުގެ މާލީ ހާލަތު ރަނގަޅުވެ، ބޭރު ފައިސާގެ ގޮތުގައި ލިބުނު އާމްދަނީ 222.8 މިލިޔަން އެމެރިކާ ޑޮލަރަށް އަރާފައިވާކަން މާލީ ކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާއިން ހާމަކޮށްފިއެވެ. އެ ވުޒާރާއިން އެންމެ ފަހުން އާންމުކުރި މާލީ ރިޕޯޓުން ދައްކާގޮތުގައި، ރާއްޖޭގެ އިގްތިސާދީ ދުވެލި ހަލުވިވެ، ދައުލަތަށް ވަންނަ އާމްދަނީއަށް ވަނީ ބޮޑު ކުރިއެރުމެއް ލިބިފައެވެ.

މި ރިޕޯޓުގައިވާ ގޮތުން، މިއަހަރުގެ ފެބުރުވަރީ 26ގެ ނިޔަލަށް ދައުލަތަށް އާމްދަނީއާއި ހިލޭ އެހީގެ ގޮތުގައި ޖުމްލަ 7.8 ބިލިޔަން ރުފިޔާ ލިބިފައިވެއެވެ. މި މުއްދަތުގެ ތެރޭގައި ދައުލަތުން ކުރި ޖުމްލަ ޚަރަދަކީ 5.9 ބިލިޔަން ރުފިޔާއެވެ. އެހެންކަމުން، ފެބުރުވަރީ މަހުގެ ފަހުކޮޅާ ހަމައަށް ދައުލަތުގެ ބަޖެޓުން 1.9 ބިލިޔަން ރުފިޔާގެ ސާޕްލަސްއެއް ވަނީ ރެކޯޑުކުރެވިފައެވެ.

މިދިޔަ އަހަރުގެ މި މުއްދަތާ އަޅާބަލާއިރު އާމްދަނީއަށް ވަނީ 29.3 އިންސައްތައިގެ ބޮޑު ކުރިއެރުމެއް ލިބިފައެވެ. މިދިޔަ އަހަރު ލިބިފައިވަނީ 6.0 ބިލިޔަން ރުފިޔާއެވެ. ދައުލަތަށް ލިބުނު ޖުމްލަ އާމްދަނީގެ 83 އިންސައްތައަކީ ޓެކުހުގެ ގޮތުގައި ލިބުނު ފައިސާއެވެ. ޓެކުހުގެ ގޮތުގައި ޖުމްލަ 6.5 ބިލިޔަން ރުފިޔާ ލިބިފައިވާއިރު، މިއީ މިދިޔަ އަހަރާ އަޅާބަލާއިރު 30.6 އިންސައްތައިގެ އިތުރުވުމެކެވެ.

އާމްދަނީ އިތުރުވުމުގައި އެންމެ ބޮޑު ދައުރެއް އަދާކޮށްފައިވަނީ ފަތުރުވެރިކަމުގެ ދާއިރާއިން ނަގާ ޓީ.ޖީ.އެސް.ޓީ އެވެ. ޓީ.ޖީ.އެސް.ޓީގެ ގޮތުގައި 2.3 ބިލިޔަން ރުފިޔާ ލިބިފައިވާއިރު، މިއީ 39.4 އިންސައްތައިގެ ކުރިއެރުމެކެވެ. މީގެ އިތުރުން ޖުމްލަ ޖީ.އެސް.ޓީގެ ގޮތުގައި 3.2 ބިލިޔަން ރުފިޔާ އަދި ވިޔަފާރިއާއި މުދަލުން ނަގާ ޓެކުހުގެ ގޮތުގައި 2.2 ބިލިޔަން ރުފިޔާ ވަނީ ލިބިފައެވެ.

ޚަރަދުތަކުގެ ބަޔަށް ބަލާއިރު، ދައުލަތުގެ ޖުމްލަ ޚަރަދުތައް ވަނީ އެއްވަރެއްގައި ހިފެހެއްޓިފައެވެ. ނަމަވެސް، ސަރުކާރުގެ ޕޭ ހާމަނައިޒޭޝަން ސިޔާސަތުގެ ދަށުން މުވައްޒަފުންގެ މުސާރައާއި އިނާޔަތްތަކަށް ކުރާ ޚަރަދު ވަނީ 9.6 އިންސައްތަ އިތުރުވެފައެވެ. އެގޮތުން މުސާރައާއި ޕެންޝަނަށް ޖުމްލަ 2.64 ބިލިޔަން ރުފިޔާ ޚަރަދުކޮށްފައިވެއެވެ.

މީގެ އިތުރުން، ސޮވެރިން ޑިވެލޮޕްމަންޓް ފަންޑަށް (އެސް.ޑީ.އެފް) ޖަމާކުރި އަދަދުވެސް ވަނީ 2.5 އިންސައްތަ އިތުރުވެ، 287.1 މިލިޔަން ރުފިޔާއަށް އަރާފައެވެ. މާލީ ވުޒާރާގެ މި ތަފާސްހިސާބުތަކުން ދައްކާގޮތުގައި، ދައުލަތުގެ މާލީ މެނޭޖްމަންޓް ވަރުގަދަވެ، ބޭރު ފައިސާގެ ރިޒާވަށް ވަންނަ އާމްދަނީ ދަނީ އެއްދުވަހުން އަނެއްދުވަހަށް އިތުރުވަމުންނެވެ.

ބޭރު ފައިސާގެ އާމްދަނީ 222.8 މިލިޔަން ޑޮލަރަށް

ލ. ގަމު ތުނޑީ ލިންކް ރޯޑުގައި މިރޭ ދެ ސައިކަލު ޖެހި ހިނގި ނުރައްކާތެރި އެކްސިޑެންޓެއްގައި ދެ މީހަކަށް އަނިޔާވެ، ހޮސްޕިޓަލުގައި ފަރުވާދޭން ފަށައިފިއެވެ.

ފުލުހުންގެ މީޑިއާ އޮފިޝަލް ވިދާޅުވި ގޮތުގައި، ގަމު ތުނޑީ ލިންކް ރޯޑުގައި ދެ ސައިކަލު ޖެހި އެކްސިޑެންޓެއް ހިނގައިގެން އުޅޭކަމުގެ ރިޕޯޓް ފުލުހުންނަށް ލިބިފައިވަނީ މިރޭ 21:36 ހާއިރުއެވެ. މި ހާދިސާގައި އަނިޔާވެފައިވަނީ އެ ސައިކަލްތަކުގައި ތިބި އަންހެނަކަށާއި ފިރިހެނަކަށެވެ.

އެކްސިޑެންޓްވި ދެ މީހުންނަށް ލިބުނު އަނިޔާތަކަށް މިހާރު ދަނީ ހޮސްޕިޓަލުގައި ފަރުވާ ދެމުންނެވެ. ނަމަވެސް އެމީހުންނަށް ލިބުނު އަނިޔާގެ ތަފްސީލެއް ފުލުހުން ހާމައެއް ނުކުރެއެވެ.

ފުލުހުން އިތުރަށް ވިދާޅުވީ، މި އެކްސިޑެންޓް ހިނގަން މެދުވެރިވި ސަބަބު ދެނެގަތުމަށްޓަކައި މައްސަލަ މިހާރު ތަހުގީގު ކުރަމުން އަންނަ ކަމަށެވެ.

ލާމު ލިންކް ރޯޑަކީ އާންމުކޮށް ބާރު ސްޕީޑުގައި އުޅަނދުތައް ދުއްވާ މަގަކަށްވުމާއެކު، އެ މަގުގައި ނުރައްކާތެރި އެކްސިޑެންޓްތައް ހިނގުން ވަނީ އިތުރުވެފައެވެ. އެހެންކަމުން މަގު ބޭނުންކުރާ ފަރާތްތަކުން ސަމާލުވުމަށް ފުލުހުން އަބަދުވެސް އިލްތިމާސް ކުރެއެވެ.

ލާމު ލިންކް ރޯޑުގައި ނުރައްކާތެރި އެކްސިޑެންޓެއް ހިނގައި ދެ މީހަކަށް ފަރުވާދޭން ފަށައިފި

ލޯކަލް ކައުންސިލް އިންތިޚާބަކީ ރާއްޖޭގެ އިދާރީ ދާއިރާތައް ހިންގުމުގައާއި، ރަށްރަށުގެ ތަރައްޤީގެ ކަންކަން ނިންމުމުގައި ރައްޔިތުންގެ ބައިވެރިވުން އެންމެ ބޮޑަށް އޮންނަ އެއް އިންތިޚާބެވެ. ޚާއްޞަކޮށް، ދިވެހިރާއްޖޭގެ ވެރިރަށް މާލޭ ސިޓީގެ މޭޔަރުގެ މަޤާމަކީ ސިޔާސީ ގޮތުންނާއި އިދާރީ ގޮތުން ނުހަނު މުހިންމު މަޤާމެކެވެ. ކުރިއަށް އޮތް ލޯކަލް ކައުންސިލް އިންތިޚާބުގައި މާލޭގެ މޭޔަރުކަމަށް ވާދަކުރައްވާ ކެންޑިޑޭޓުންގެ މެދުގައި އޮތް ވާދަވެރިކަން މިވަނީ އިތުރުވެފައެވެ.

މިފަހަރުގެ އިންތިޚާބުގައި މައިގަނޑު ހަތަރު ކެންޑިޑޭޓަކު މާލޭގެ މޭޔަރުކަމުގެ ގޮނޑިއަށް ވާދަކުރައްވައެވެ. މިގޮތުން، މިހާރު ވެރިކަން ކުރާ ޕާޓީ، ޕީއެންސީގެ ފަރާތުން ވާދަކުރައްވަނީ ރާއްޖޭގެ ސިފައިންގެ އެންމެ މަތީ ސަފުތަކުގައި ޚިދުމަތް ކުރައްވާފައިވާ މޫސާ ޢަލީ ޖަލީލެވެ. މައި އިދިކޮޅު ޕާޓީ، އެމްޑީޕީގެ ފަރާތުން ނުކުންނަވަނީ މިހާރުވެސް އެ މަޤާމުގައި ހުންނެވި އާދަމް އާޒިމެވެ. މީގެ އިތުރުން، އެމްޑީއޭގެ ފަރާތުން ޤާނޫނީ ދާއިރާގެ ތަޖުރިބާކާރު ބޭފުޅެއް ކަމަށްވާ އުސްތާޒް ޢަބްދުﷲ މަޙްޒޫމް މާޖިދު ވާދަކުރައްވާއިރު، އަމިއްލަ ގޮތުން ޒަރިޔަންދު ވެސް ވަނީ މި ރޭހަށް ނުކުމެވަޑައިގެންފައެވެ.

މި ކެންޑިޑޭޓުންގެ ތެރޭގައި ސިޔާސީ، އިދާރީ އަދި ޤާނޫނީ ދާއިރާއިން ތަޖުރިބާ ލިބިވަޑައިގެންފައިވާ ބޭފުޅުން ހިމެނެއެވެ. ކޮންމެ ކެންޑިޑޭޓަކުވެސް އަންނަނީ މާލޭގެ ތަރައްޤީއަށާއި، މާލޭގެ ރައްޔިތުންނަށް ދިމާވެފައިވާ ބޯހިޔާވަހިކަމާއި ތޮއްޖެހުމުގެ މައްސަލަތަކަށް ޙައްލު ހޯދައިދޭނެ ކަމުގެ އުއްމީދީ ވަޢުދުތަކެއް ވަމުންނެވެ. ބައެއް ކެންޑިޑޭޓުން ސަރުކާރުގެ އެއްބާރުލުމާއެކު ކަންކަން ފަހިކޮށްދޭނެ ކަމަށް ބުނާއިރު، އަނެއް ބަޔަކު ވަކާލާތު ކުރަނީ މިނިވަންކަމާއެކު ރައްޔިތުންގެ އަޑު އުފުލުމަށެވެ.

ނަމަވެސް، އެންމެ ފަހު ބަސް ބުނާނީ މާލޭގެ ރައްޔިތުންނެވެ. އިންތިޚާބެއްގައި ވޯޓުލުމަކީ ހަމައެކަނި ޙައްޤެއް ނޫނެވެ. އެއީ ޤައުމީ އަދި ފަރުދީ ޒިންމާއެކެވެ. މާލޭގެ މޭޔަރަކަށް ހޮވަންވީ ކާކުތޯ ނިންމުމުގައި ރައްޔިތުން ބަލަންޖެހޭނީ ހަމައެކަނި ސިޔާސީ ފިކުރަކަށް ނޫނެވެ. އެއީ މާލޭގެ މަގުތަކުގެ އަމާންކަމާއި، ސާފުތާހިރުކަމާއި، އަދި ރައްޔިތުންނަށް ބޭނުންވާ އަސާސީ ޚިދުމަތްތައް އެންމެ ފުރިހަމައަށް ފޯރުކޮށްދެވޭނެ، އިޚްލާޞްތެރިކަމާއެކު މަސައްކަތް ކުރާނެ ފަރާތެކެވެ.

ނިންމާލަމުން ދަންނަވާނީ، ކުރިއަށް އޮތް ލޯކަލް ކައުންސިލް އިންތިޚާބަކީ މާލޭގެ މުސްތަޤުބަލު ބައްޓަންކުރުމަށް ރައްޔިތުންނަށް ލިބޭ ރަން ފުރުޞަތެކެވެ. ވާދަވެރި ކެންޑިޑޭޓުންތަކެއް ތިއްބެވި ނަމަވެސް، މާލޭގެ މޭޔަރުކަމުގެ ތަޚުތުގައި ބައިންދާނެ ބޭފުޅަކު ނިންމުމުގެ ފުރިހަމަ ބާރު އޮތީ ރައްޔިތުންގެ އަތްމަތީގައެވެ. ރައްޔިތުންގެ ނިންމުމަކީ މާލޭގެ ތަރައްޤީއަށް އެޅޭނެ އެންމެ މުހިންމު ފިޔަވަޅެވެ .ގޮތް ނިންމާނީ ތިކޮޅުން!

މާލޭ ސިޓީ މޭޔަރުކަން: ގޮތް ނިންމާނީ ތިކޮޅުން!

މާލެ ސަރަހައްދުގެ ސަލާމަތާއި ރައްކާތެރިކަން ކަށަވަރުކޮށް، ކުށްމަދު އަމާން މުޖުތަމައެއް ގާއިމުކުރުމަށްޓަކައި ދިވެހި ފުލުހުންގެ ޚިދުމަތުން ކުރަމުންދާ މަސައްކަތްތައް އިތުރަށް ވަރުގަދަކޮށްފިއެވެ. މި މަސައްކަތުގެ ތެރެއިން ފާއިތުވި 48 ގަޑިއިރުގެ ތެރޭގައި ފުލުހުން ވަނީ މާލޭގެ އެކި ސަރަހައްދުތަކުގައި ޚާއްޞަ ހަރަކާތްތަކެއް ހިންގާފައެވެ.

ފުލުހުންގެ ގޭންގް ކްރައިމް ސަޕްރެޝަން ޑިޕާރޓްމަންޓުން އިސްނަގައިގެން ކުރިއަށްގެންދާ މި އޮޕަރޭޝަންގައި، ކުށްކުރާ ފަރާތްތައް ގިނައިން އެއްވެއުޅޭ "ހޮޓްސްޕޮޓްސް" ތަކުގެ ގޮތުގައި ފާހަގަކުރެވޭ ސަރަހައްދުތައް ބަލައި ފާސްކުރުމަށް އިސްކަންދީފައިވެއެވެ. އެގޮތުން ވޭތުވެދިޔަ 48 ގަޑިއިރުގެ ތެރޭގައި އެފަދަ ސަރަހައްދުތައް 364 ފަހަރު ބަލައިފާސްކޮށް، ޝައްކުކުރެވޭ ފަރާތްތަކާ ސުވާލުކޮށް 68 އިންޓަރެކްޝަން ހަދާފައިވާ ކަމަށް ފުލުހުން މައުލޫމާތު ދެއެވެ.

މީގެ އިތުރުން، މަގުމަތީގެ ސަލާމަތާއި ގަވާއިދުތަކަށް ބޯލެނބުން އިތުރުކުރުމުގެ ގޮތުން ހިންގި ހަރަކާތްތަކުގެ ތެރޭގައި 8 އުޅަނދެއް ހުއްޓުވައި ޗެކްކޮށްފައިވެއެވެ. މީގެ ތެރެއިން ގަވާއިދާ ޚިލާފަށް ހުރި 5 އުޅަނދެއް ފުލުހުންގެ ބެލުމުގެ ދަށަށް ގެންގޮސް ޓޯވކޮށްފައިވާކަން ފާހަގަކުރެވެއެވެ.

މާލެ އަދި ހުޅުމާލޭގެ މަގުތަކަކީ އަމާން ތަނެއްގެ ގޮތުގައި ބޭއްވުމަށްޓަކައި ފުލުހުން އަންނަނީ ފައިމަގުގައި ޕެޓްރޯލްކޮށް މަގުތައް ބަލަހައްޓަމުންނެވެ. އެގޮތުން ވޭތުވެދިޔަ ދެ ދުވަހުގެ ތެރޭގައި ޖުމްލަ 5 ގަޑިއިރަށްވުރެ ގިނަ ވަގުތު ފުލުހުން ވަނީ ފުޓްޕެޓްރޯލް ކޮށްފައެވެ.

މި މަސައްކަތަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރައްޔިތުންގެ ސަލާމަތާއި ރައްކާތެރިކަމަށް ދެއްވާ އިސްކަމުގެ ދަށުން، މާލެ ސަރަހައްދުގައި ކުށްކުރުން މަދުކޮށް، އާންމު ރައްޔިތުންނަށް ބިރުވެރިކަމެއް ނެތި އުޅެވޭނެ މާހައުލެއް ގާއިމުކުރުމަށް ފުލުހުން މެދުނުކެނޑި ކުރަމުންދާ މަސައްކަތްތަކުގެ ބައެކެވެ.

މާލޭގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ޚާއްޞަ މަސައްކަތްތަކެއް ފަށައިފި

މަގާމުގެ ނުފޫޒު ބޭނުންކޮށްގެން ބިދޭސީއެއްގެ އަތުން ފޭރުނު މައްސަލައިގައި، އިމިގްރޭޝަންގެ ކުރީގެ އޮފިސަރު އިބްރާހިމް އަހުމަދު 11 މަސް ދުވަހަށް ޖަލަށްލުމަށާއި، އަނިޔާ ލިބުނު ބިދޭސީ މީހާއަށް ބަދަލުގެ ގޮތުގައި ގާތްގަނޑަކަށް 130،000 ރުފިޔާ ދިނުމަށް ކްރިމިނަލް ކޯޓުން ހުކުމްކޮށްފިއެވެ.

މި މައްސަލައަކީ ކުރީގެ އިމިގްރޭޝަން ކޮންޓްރޯލާ ޝައްމާން ވަހީދާއެކު ހައްޔަރުކުރި އިބްރާހިމް އަހުމަދުގެ މައްޗަށް އުފުލި ތިން ދައުވާއަކާ ގުޅިގެން އިއްވި ހުކުމެކެވެ. އޭނާގެ މައްޗަށް ދައުލަތުން އުފުލާފައިވަނީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދައުވާއާއި، ފޭރުމުގެ ދައުވާގެ އިތުރުން އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތުގައި ބާރު ހިންގުމުގެ ދައުވާއެވެ.

މި މައްސަލައިގެ ޝަރީއަތް ކުރިއަށް ދަނިކޮށް އިބްރާހިމް އަހުމަދު ވަނީ ކުށަށް އިއުތިރާފުވެ، ދައުލަތާއެކު އިއުތިރާފުގެ އެއްބަސްވުމެއް ހަދާފައެވެ. ކްރިމިނަލް ކޯޓުން މި އެއްބަސްވުން ބަލައިގަނެ، އަވަސް ނިޔާގެ މައްސަލައެއްގެ ގޮތުގައި ކުރިއަށް ގެންގޮސް އޭނާގެ މައްޗަށް ދައުވާތައް ސާބިތުވާ ކަމަށް ވަނީ ކަނޑައަޅާފައެވެ.

ކޯޓުގެ ހުކުމުގައިވާ ގޮތުން:

ޖުމްލަ ތިން ދައުވާއަށް ބަލާއިރު އިބްރާހިމް އަހުމަދު 11 މަސް ދުވަހު ޖަލުގައި ހޭދަކުރަން ޖެހޭނެއެވެ. މީގެ އިތުރުން ދައުލަތަށް ޖޫރިމަނާގެ ގޮތުގައި 255,600 ރުފިޔާ ދައްކަން ޖެހޭއިރު، އަނިޔާ ލިބުނު ބިދޭސީ މީހާއަށް ބަދަލުގެ ގޮތުގައި ދޭންޖެހޭ ފައިސާ (ރުފިޔާ އާއި ޑޮލަރު ހިމެނޭހެން) ޖުމްލަ 130,000 އެއްހާ ރުފިޔާއަށް އަރައެވެ.

އިމިގްރޭޝަންގެ ކުރީގެ އޮފިސަރު އިބްރާހިމް 11 މަހަށް ޖަލަށްލައި، ބިދޭސީއަކަށް 130،000 ރުފިޔާ ދޭން ހުކުމްކޮށްފި

ސަރުކާރުން ގާނޫނުއަސާސީއަށް ގެންނަން އުޅޭ ބަދަލުތަކަކީ ވެރިކަންކުރާ ޕާޓީގެ ބާރުތައް ވަރުގަދަކުރުމަށް ފަރުމާކޮށްފައިވާ "ހީލަތްތެރި" ރޭވުމެއް ކަމަށް ސިފަކުރައްވައި، އެކަމާ ދެކޮޅަށް ރައްޔިތުން ތެދުވުމަށް އިދިކޮޅު އެމްޑީޕީގެ ރައީސް ފައްޔާޒް އިސްމާއީލް ގޮވާލައްވައިފިއެވެ.

މިކަމާ ގުޅޭގޮތުން ފައްޔާޒް ކުރެއްވި ޓުވީޓްއެއްގަިއ ވިދާޅުވީ، މިހާރު ފެންނަމުންދަނީ ވެރިކަންކުރާ ޕާޓީގެ ބާރުތައް މުށުތެރެއަށްލުމަށް ކުރަމުންދާ މަސައްކަތްތަކެއް ކަމަށެވެ. "ބޭނުންވަނީ ވެރިކަންކުރާ ޕާޓީގެ ބާރުތައް ވަރުގަދަކުރުމަށް ފަރުމާކޮށްފައިވާ ބަދަލުތަކެއް ނޫން. އޭގެ ބަދަލުގައި ސަރުކާރާއި އަދި މުޅި ދައުލަތް ޒިންމާދާރުކުރުވުމަށް ރައްޔިތުންނަށް ލިބިދޭ ބާރުތައް މިހާރަށްވުރެ އިތުރަށް ވަރުގަދަކޮށް ހަރުދަނާ ކުރަން ޖެހޭ،" ފައްޔާޒް ވިދާޅުވިއެވެ.

ސަރުކާރުގެ މި ނިންމުމާ ދެކޮޅަށް ރައްޔިތުން ތެދުވުމަށް ބާރުއަޅުއްވަމުން ފައްޔާޒް ވިދާޅުވީ، ރިޔާސީ ދައުރު ދަންމާލުމުގެ ފުރުސަތު މި "ހުދުމުހުތާރު" ސަރުކާރަށް ދީގެން ނުވާނެ ކަމަށެވެ. އަދި އެމްޑީޕީން އަބަދުވެސް މަސައްކަތް ކުރާނީ ބާރުތައް ރައްޔިތުންނާ ގާތަށް ގެނެސްދޭނެ ފުރިހަމަ އިސްލާހުތަކަކަށް ކަމަށް އޭނާ ފާހަގަކުރެއްވިއެވެ.

ފައްޔާޒް އިތުރަށް ވިދާޅުވީ، މިއީ މިހާރުން މިހާރަށް ކުރަންޖެހިފައިވާ މުހިންމު މަސައްކަތެއް ކަމަށެވެ. އަދި މިކަމުގައި ސިޔާސީ ފިކުރާއި ވަކި ޕާޓީތަކަކަށް ވިސްނުމަށްވުރެ ބޮޑަށް، ގައުމީ މަސްލަހަތަށް އިސްކަންދީ، ސަރުކާރުގެ މި ނުރައްކާތެރި ރޭވުންތަކަށް ރައްޔިތުން "ނޫނެކޭ" ބުނަންޖެހޭ ކަމަށް އޭނާ ވިދާޅުވިއެވެ.

ރައީސް ޑރ. މުހައްމަދު މުއިއްޒުގެ ސަރުކާރުން ގާނޫނުއަސާސީއަށް ގެންނަން ހުށަހަޅާފައިވާ ބަދަލުތަކާ ގުޅިގެން އިދިކޮޅު ފަރާތްތަކުން އަންނަނީ ކަންބޮޑުވުން ފާޅުކުރަމުންނެވެ. މި ބަދަލުތަކުގެ ސަބަބުން ރައްޔިތުންގެ މަޖިލީހުގެ މެންބަރުންގެ މިނިވަންކަމާއި، ދައުލަތުގެ ބާރުތައް ވަކިވެފައި އޮތް އޮތުމަށް ބުރޫއަރާނެ ކަމަށް ގިނަ ބަޔަކު ދަނީ ބުނަމުންނެވެ.

ސަރުކާރުގެ ހީލަތްތެރި ރޭވުމަށް ރައްޔިތުން "ނޫނެކޭ" ބުނަން ޖެހޭ - ފައްޔާޒް

ރައީސް ޑރ. މުހައްމަދު މުއިއްޒުގެ ސަރުކާރުން ގާނޫނުއަސާސީއަށް ބަދަލުތަކެއް ގެނައުމަށް މަސައްކަތް ކުރަމުންދާ ދަނޑިވަޅެއްގައި، އެއީ ހުދުމުހުތާރު ވެރިން ބާރުގައި ބޭތިއްބުމަށް ކުރާ މަސައްކަތެއް ކަމަށް ބުނެ އިދިކޮޅު އެމްޑީޕީގެ ރައީސް ފައްޔާޒް އިސްމާއީލް ވަރުގަދަ ފާޑުކިއުންތަކެއް އަމާޒުކުރައްވައިފިއެވެ.

ފައްޔާޒް ވިދާޅުވީ، މިވަގުތު ރާއްޖޭގައި އޮތް ނިޒާމުން ޑިމޮކްރަޓިކް ހަރަކާތުގެ އުންމީދުތައް ފުރިހަމައަށް ހާސިލުނުކޮށްދެވޭ ކަމަށެވެ. އަދި އަނިޔާވެރި ވެރިންގެ ކިބައިން ރައްޔިތުންނަށް ހިމާޔަތް ހޯދައިނުދެވޭއިރު، ރައީސް މުއިއްޒު އެދިގެން މި ގެންނަ ބަދަލުތަކަކީ ހުދުމުހުތާރު ވެރިން ބާރުގައި ތިބުމަށް އިތުރަށް މަގުފަހިކޮށްދޭ ބަދަލުތަކެއް ކަމަށް އޭނާ ތުހުމަތު ކުރެއްވިއެވެ.

ގާނޫނުއަސާސީއަށް ބަދަލު ގެނައުމަށް ސަރުކާރުން ހުށަހަޅާފައިވާ އިސްލާހުތަކަކީ ހަރަދު ކުޑަކުރުމުގެ ނަމުގައި، ރައްޔިތުންގެ މެދުގައި ތާއިދު ނެތުމުން ދެވަނަ ދައުރެއް "ވަލު ދޮރާށިން" ހޯދުމަށް ރޭވުމުންދާ ހީލަތްތެރި ރޭވުމެއްގެ ގޮތުގައި ފައްޔާޒް ސިފަކުރެއްވިއެވެ.

"ބޭނުންވަނީ ވެރިކަންކުރާ ޕާޓީގެ ބާރުތައް ވަރުގަދަކުރުމަށް ފަރުމާކޮށްފައިވާ ބަދަލުތަކެއް ނޫން. އޭގެ ބަދަލުގައި ސަރުކާރާއި އަދި މުޅި ދައުލަތް ޒިންމާދާރުކުރުވުމަށް ރައްޔިތުންނަށް ލިބިދޭ ބާރުތައް މިހާރަށްވުރެ އިތުރަށް ވަރުގަދަކޮށް ހަރުދަނާ ކުރަން ޖެހޭ،" ފައްޔާޒް ވިދާޅުވިއެވެ.

ސަރުކާރުގެ މި ނިންމުމާ ދެކޮޅަށް ރައްޔިތުން ތެދުވުމަށް ގޮވާލައްވަމުން ފައްޔާޒް ވިދާޅުވީ، ރިޔާސީ ދައުރު ދަންމާލުމުގެ ފުރުސަތު މި ހުދުމުހުތާރު ސަރުކާރަށް ދީގެން ނުވާނެ ކަމަށެވެ. އަދި އެމްޑީޕީން އަބަދުވެސް މަސައްކަތް ކުރާނީ ބާރުތައް ރައްޔިތުންނާ ގާތަށް ގެނެސްދޭނެ ފުރިހަމަ އިސްލާހުތަކަކަށް ކަމަށް އޭނާ ވިދާޅުވިއެވެ.

މިއީ މިހާރުން މިހާރަށް ކުރަންޖެހިފައިވާ މުހިންމު ކަމެއްކަން ފާހަގަކުރައްވައި، ފައްޔާޒް އިތުރަށް ވިދާޅުވީ މި ކަމުގައި ސިޔާސީ ފިކުރާއި ޕާޓީތަކަށްވުރެ ބޮޑަށް ގައުމީ މަސްލަހަތަށް ވިސްނައި، ސަރުކާރުގެ ހީލަތްތެރި ރޭވުމަށް ރައްޔިތުން "ނޫނެކޭ" ބުނަން ޖެހޭ ކަމަށެވެ.

ގާނޫނުއަސާސީއަށް އިސްލާހު ގެނައުމުގެ މަސައްކަތް ރައްޔިތުންގެ މަޖިލީހުގެ ތެރެއިން ކުރިއަށްދާއިރު، މަޖިލީހުގެ ރައީސް އަބްދުއްރަހީމް އަބްދުﷲ އާއި ސަރުކާރު ކޯލިޝަނުން ދަނީ މި ބަދަލުތަކަކީ ގައުމުގެ ހަމަޖެހުމަށާއި ދައުލަތުގެ ހަރަދުތައް ކުޑަކުރުމަށް ކޮންމެހެން މުހިންމު ބަދަލުތަކެއް ކަމަށް ބުނަމުންނެވެ. ނަމަވެސް އިދިކޮޅު ފަރާތްތަކުން ތުހުމަތު ކުރާ ގޮތުގައި މިއީ ޑިމޮކްރަސީގެ އުސޫލުތަކާ ހިލާފަށް ބާރުތައް މަރުކަޒުކުރުމަށް ކުރެވޭ މަސައްކަތެކެވެ.

ގާނޫނުއަސާސީ އިސްލާހުކުރަނީ ހުދުމުހުތާރު ވެރިން ބާރުގައި ބޭތިއްބުމަށް: ފައްޔާޒް 

2026 ވަނަ އަހަރު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގައި ވޯޓުލުމަށްޓަކައި، ރީ-ރަޖިސްޓަރީވުމުގެ ފުރުޞަތު އިލެކްޝަންސް ކޮމިޝަން (އީސީ) އިން މިއަދު ހުޅުވާލައިފިއެވެ.

އަންނަ 2026 އެޕްރީލް 4 ވާ ހޮނިހިރު ދުވަހު ބޭއްވުމަށް ތާވަލުކޮށްފައިވާ މި އިންތިޚާބުގައި، މިހާރު ވޯޓުލާން ރަޖިސްޓަރީވެފައިވާ ތަން ނޫން އެހެން ތަނަކަށް ނުވަތަ ރަށަކަށް ވޯޓުލާން ބޭނުންވާ ފަރާތްތަކަށް އެ ފުރުޞަތު އޮންނާނީ މިއަދުން ފެށިގެން، 2026 ފެބުރުވަރީ 16 ވާ ހޯމަ ދުވަހުގެ މެންދުރުފަހު 3:00 ގެ ނިޔަލަށެވެ.

އިލެކްޝަންސް ކޮމިޝަނުން ހާމަކުރި ގޮތުގައި، މި މުއްދަތުގައި ރީ-ރަޖިސްޓަރީވުމަށް އެދި ހުށަހަޅަންވާނީ 2024 ވަނަ އަހަރު ބޭއްވި ރައްޔިތުންގެ މަޖިލީހުގެ އިންތިޚާބުގައި ވޯޓުލުމަށް ރަޖިސްޓަރީވެފައިވާ ތަން ނޫން އެހެން ތަނެއްގައި ވޯޓުލުމަށް ބޭނުންވާ ފަރާތްތަކެވެ. އަދި މީގެކުރިން ރިސޯޓުތަކާއި، ސިނާއީ މަސައްކަތްކުރާ ރަށްރަށާއި، ޖަލުތަކުގެ އިތުރުން ރާއްޖެއިން ބޭރުގައި ވޯޓުލާން ރަޖިސްޓަރީކޮށްފައިވާ މީހުން، މި އިންތިޚާބުގައި ވޯޓުލާ ތަނެއްގެ ގޮތުގައި މިހާރު ރަޖިސްޓަރީވެފައި އޮންނާނީ އެމީހެއްގެ ދާއިމީ އެޑްރެހަށް ކަމަށްވެސް އީސީން ބުނެފައިވެއެވެ.

އިންތިޚާބަށް ރީ-ރަޖިސްޓަރީ ވުމަށް އެދި ހުށަހަޅަން ޖެހެނީ އީސީގެ ރީ-ރަޖިސްޓްރޭޝަން ޕޯޓަލް ނުވަތަ މައިޕޯޓަލް މެދުވެރިކޮށް އޮންލައިންކޮށެވެ. މިހާރު ވޯޓުލުމަށް ރަޖިސްޓަރީވެފައިވާ ތަނުގެ މަޢުލޫމާތު ޗެކްކުރުމަށް ބޭނުންވާ ފަރާތްތަކުން 'VR' ޖެއްސެވުމަށްފަހު، ހުސްތަންކޮޅެއް ދޫކޮށް އައިޑީކާޑު ނަންބަރު ޖަހައި 1414 އަށް އެސް.އެމް.އެސް ކުރުމުން އެ މަޢުލޫމާތު ސާފުކުރެވޭނެއެވެ.

މިއަހަރުގެ އޭޕްރީލް 4 ގައި ބާއްވާ މި އިންތިޚާބުގައި ޖުމުލަ 294,937 މީހުންނަށް ވޯޓުލުމުގެ ހައްގު ލިބިފައިވެއެވެ. އިންތިޚާބުގައި ވާދަކުރާ ކެންޑިޑޭޓުންގެ ގުރުއަތު ނެގުން މި ހަފުތާގެ ބުރާސްފަތި ދުވަހު ބޭއްވުމަށް ހަމަޖެހިފައިވާއިރު، އެ ދުވަހާ ހަމައަށް ނަން އަނބުރާ ގެންދަން ބޭނުންވާ ކެންޑިޑޭޓުންނަށް އެ ފުރުޞަތު އޮންނާނެ ކަމަށް އީސީން މަޢުލޫމާތުދެއެވެ.

މި އިންތިޚާބުގައި ކައުންސިލްތަކަށް 678 ކެންޑިޑޭޓުން އިންތިޚާބުކުރާއިރު، އަންހެނުންގެ ތަރައްގީއަށް މަސައްކަތްކުރާ ކޮމެޓީތަކަށްވެސް 678 މެންބަރުން އިންތިޚާބު ކުރާނެއެވެ. މި އިންތިޚާބުގައި ވާދަކުރުމަށް ޖުމުލަ 2,994 ކެންޑިޑޭޓުން ފޯމު ހުށަހަޅާފައިވެއެވެ.

އިލެކްޝަންސް ކޮމިޝަނުން ބުނީ އިތުރު މަޢުލޫމާތު ބޭނުންވާ ފަރާތްތަކުން 1414 އަށް ގުޅުމަށެވެ. ކޮމިޝަނުގެ މައި އިދާރާ އާއި އިންތިޚާބާބެހޭ މަރުކަޒު ހުޅުވިފައި ހުންނާނީ ހުކުރު ދުވަސް ފިޔަވައި ކޮންމެ ދުވަހެއްގެ ހެނދުނު 9:00 އިން މެންދުރުފަހު 3:00 އަށެވެ. އަދި ހުކުރު ދުވަހު މެންދުރުފަހު 3:00 އިން ހަވީރު 6:00 އަށް އެ ތަންތަން ހުޅުވިފައި ހުންނާނެއެވެ.

ކައުންސިލް އިންތިޚާބު: ވޯޓުލުމަށްޓަކައި ރީ-ރަޖިސްޓަރީވުމުގެ ފުރުސަތު މިއަދުން ފެށިގެން މިމަހު 16ގެ ނިޔަލަށް

ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްކޮށްލުމަށް ސަރުކާރުން ކުރަމުންދާ މަސައްކަތަކީ މިހާރު ހިނގަމުންދާ ރިޔާސީ ދައުރު ދަންމާލުމަށް ކުރާ ކަމެއް ކަމަށް އިދިކޮޅު އެމްޑީޕީން ތުހުމަތުކޮށްފިއެވެ.

ދެ އިންތިޚާބު އެއްކޮށްލުމަށް ގާނޫނުއަސާސީއަށް އިސްލާހު ގެނައުމުގެ ބިލު އިއްޔެ ކޮމިޓީން ފާސްކޮށްފައިވާއިރު، މިއަދުގެ މަޖިލިސް ޖަލްސާގައި އޮތީ އެ ބިލަށް ބަހުސް ކުރުމެވެ. ނަމަވެސް، އެމްޑީޕީގެ މެންބަރުން މަޖިލީހުގެ ތަޅުމުގައި އަޑުގަދަކޮށް ނިޒާމް ގެއްލުވައިލުމާ ގުޅިގެން މިއަދުގެ ޖަލްސާ ވަނީ މެދުކަނޑާލަން ޖެހިފައެވެ.

މަޖިލީހުގެ ޖަލްސާ މެދުކަނޑާލުމަށްފަހު، މަޖިލީހުގެ އިދާރާގެ ބޭރުގައި އެމްޑީޕީން ބޭއްވި ނޫސްވެރިންގެ ބައްދަލުވުމުގައި އެ ޕާޓީގެ ވަގުތީ ޗެއާޕާސަން އަދި ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވިދާޅުވީ، ސަރުކާރުން މަސައްކަތް ކުރަމުންދަނީ ގާނޫނުއަސާސީއާ ގޯސްކޮށް ކުޅެ، ދައުރު ދަންމާލުމަކީ މައްސަލައެއް ނޫން ކަމަށް ރައްޔިތުންނަށް ދެއްކުމަށް ކަމަށެވެ.

ޣަފޫރު އިތުރަށް ތުހުމަތު ކުރެއްވި ގޮތުގައި، މި ސަރުކާރުން މަސައްކަތް ކުރަނީ ރާއްޖޭގައި އޮތް ޑިމޮކްރެޓިކް ނިޒާމު އޮޅުވާލައި، ޚުދުމުޚުތާރު ވެރިކަމަކާ ދިމާއަށް ގައުމު ގެންދިއުމަށެވެ. އަދި ދެން އޮތް ފިޔަވަޅަކީ ތިން އިންތިޚާބު އެއްކޮށްލަން ހުށަހެޅުން ކަމަށާއި، ސަރުކާރުން ބޭނުންވަނީ ރައްޔިތުންގެ ގާތަށް ދިއުމާއި ރައްޔިތުންގެ އަޑުއެހުން ހުއްޓުވަން ކަމަށް އޭނާ ވިދާޅުވިއެވެ. މި ބިލު ފާސްކުރުމަށް ނަގާ އެއްވެސް ވޯޓެއްގައި އެމްޑީޕީން ބައިވެރިނުވާނެ ކަމަށްވެސް އޭނާ އިއުލާނު ކުރެއްވިއެވެ.

މި ބައްދަލުވުމުގައި ވާހަކަދައްކަވަމުން ވައިކަރަދޫ ދާއިރާގެ މެންބަރު ހުސައިން ޒިޔާދު ވެސް ވަނީ މި ބިލަށް ވަރަށް ބޮޑަށް ފާޑުވިދާޅުވެފައެވެ. ޒިޔާދު ވިދާޅުވީ، އާންމުކޮށް ސަރުކާރުތަކުން ރަށްރަށުގެ ތަރައްގީގެ މަޝްރޫއުތައް ބާރުސްޕީޑުގައި ކުރިއަށް ގެންދަނީ އިންތިޚާބުތަކާ ދިމާކޮށް ކަމަށެވެ. ނަމަވެސް، އިންތިޚާބުތައް އެއްކޮށްލުމުން އެ ފުރުސަތު ރައްޔިތުންނަށް ގެއްލި، ތަރައްގީގެ މަޝްރޫއުތައް މަޑުޖެހިގެންދާނެ ކަމުގެ ކަންބޮޑުވުން އޭނާ ފާޅުކުރެއްވިއެވެ.

ޙަބަރު