Featured Main

"ކައުންސިލަކީ ވެރިކަން ހިންގުމުގެ ފަށަލައެއް، ޖަވާބުދާރީ ކުރުވާ ބައެއް ނޫން"

Featured Side Cards

އެމްޑަބްލިޔުއެސްސީ: ފެން ފޯރުކޮށްދިނުމުގައި 31 އަހަރު

ރައީސްގެ ސްކޮލަރޝިޕްގައި ބޭނުން ދާއިރާއަކުން ކިޔެވޭނެގޮތަށް އުސޫލު ބަދަލުކޮށްފި

"މި ދައުރުގައި ވިލިމާލެ ވާނީ ފުރުޞަތުތައް ފަހި ތަރައްޤީވެފައިވާ ރަށަކަށް" - މުއްތަލިބު

Home Page Gallery Main

މާލޭ ޓެކްސީ ލައިންގެ ޚިދުމަތް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ފައްޓަވައިދެއްވަނީ. 3 ސައިޒެއްގެ އުޅަނދު ހިމެނޭ މިޓެކްސީ ލައިންގެ ޚިދުމަތް ދިނުމަށް 150 ކާރު ބޭނުން ކުރާނެ

Home Page Gallery Cards

ބޮޑުތަކުރުފާނު މަގުގެ މަސައްކަތް ކުރާ ސަރަހައަދަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ބަލާލެއެވުން

ސްކޭޓަރުންގެ އުއްމީދުތަކާއި ގުޅިފައިވާ މާލޭ ސްކޭޓް ޕާކް ހުޅުވުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާބައިދޫއަށް ވަޑައިގަތުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މުންޑޫއަށް ވަޑައިގަތުން

home page placeholder ad two

homepage placeholder ad three

Latest Lifestyle Side Cards

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ:  ފޭވަރިޓް ޗީޓް މީލް!!

ޤުރުއާން ކިޔެވުމުގެ ޤައުމީ މުބާރާތް: 

ރާއްޖޭގެ ބާޒާރުން ލިބެން ހުރި ބޭސްތަކުގެ ތަފުސީލު އޮންލައިންކޮށް ފަސޭހައިން ބެލޭނެ ޑިޖިޓަލް ނިޒާމެއް ގާއިމުކުރުމުގެ މަސައްކަތް ކުރަމުން އަންނަ ކަމަށް، ސަރުކާރުގެ ބޭސް ކުންފުނި، "ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން" ގެ މެނޭޖިން ޑިރެކްޓަރު ޑރ. ޝާހު މާހިރު މިރޭ ވިދާޅުވެއްޖެއެވެ.

ޕީއެސްއެމްގެ "ރާއްޖެ މިއަދު" ޕްރޮގްރާމުގައި ވާހަކަދައްކަވަމުން ޑރ. ޝާހު ވިދާޅުވީ، ބޭހަށް ރާއްޖޭން އެތައް ރުފިޔާއެއް ޚަރަދުކުރާއިރު، ބޭސް ނުލިބުމުގެ މައްސަލައަށް ދާއިމީ ހައްލެއް ލިބެންޖެހޭ ކަމަށެވެ. މިގޮތުން، ރާއްޖޭގައި ހުރި ބޭހުގެ މައުލޫމާތުތައް ފަސޭހައިން ލިބޭނެ ޑިޖިޓަލް ސިސްޓަމެއް އޮތުން މުހިންމު ކަމަށާއި، އެފަދަ ސިސްޓަމެއް ތައާރަފުކުރުމުގެ މަސައްކަތް މިހާރު ކުރަމުންދާ ކަމަށް އޭނާ ވިދާޅުވިއެވެ.

"އެ ސިސްޓަމް އައީމަ އަޅުގަނޑުމެނަށް އިނގޭނެ ރާއްޖޭގައި ހުރީ ކޮން ބޭހެއްތޯ. ކޮން ކުއަންޓިޓީއެއްގައިތޯ ހުރީ. ކޮން ފާމަސީއެއްގައިތޯ ހުރީ،" ޑރ. ޝާހު ވިދާޅުވިއެވެ.

ޑރ. ޝާހު އިތުރަށް ފާހަގަކުރެއްވި ގޮތުގައި، މިހާރު ބޭނުންކުރާ ނިޒާމުގެ ތެރެއިން ރާއްޖޭން ލިބެން ހުރި ބޭހުގެ ތަފުސީލުތައް ޑޮކްޓަރުންނަށް ވެސް ފެންނާކަށް ނުހުރެއެވެ. ނަމަވެސް އަލަށް އުފައްދާ ސިސްޓަމާއެކު ޑޮކްޓަރުންނަށް ވެސް ބޭސް ހުރިތޯ ބަލައިލުމަށް ފަސޭހަވެގެންދާނެއެވެ.

ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން އުފައްދާފައިވަނީ މިދިޔަ އަހަރުގެ ސެޕްޓެމްބަރު މަހުގައެވެ. ނަމަވެސް އެ ކުންފުނިން ރާއްޖެއަށް ބޭސް އެތެރެކުރަން ފަށާފައިވަނީ ކުންފުނި އުފެއްދިތާ ހަ މަސް ފަހުން، މިދިޔަ މަހުގެ ތެރޭގައެވެ. ބޭސް ނުލިބުމުގެ ޝަކުވާތައް އާންމުންގެ ތެރޭގައި އިތުރުވަމުންދާތީ، އެ ކުންފުނިން ވަނީ ބޭސް ހޯދުން ފަސޭހަކުރުމަށްޓަކައި މިހާރު ޚާއްސަ ޕޯޓަލަކާއި ހޮޓްލައިނެއް ވެސް ތައާރަފުކޮށްފައެވެ.

ބޭހުގެ މައުލޫމާތު އެނގޭނެ މިފަދަ ޒަމާނީ ނިޒާމެއް ގާއިމުވުމުން، އާންމުންނަށް ބޭސް ހޯދުމުގައި ދިމާވާ ދަތިތަކަށް ބޮޑު ލުޔެއް ލިބިގެންދާނެ ކަމަށް އެ ކުންފުނިން އުންމީދު ކުރެއެވެ.

ރާއްޖޭން ލިބެން ހުރި ބޭހުގެ މައުލޫމާތު އޮންލައިންކޮށް ބެލޭނެ ނިޒާމެއް ގާއިމުކުރަނީ

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން އުމްރާގެ އަޅުކަން އަދާކުރެއްވުމަށްޓަކައި ސައުދީ އަރަބިއްޔާއަށް ފުރާވަޑައިގެންފިއެވެ. ރައީސް އޮފީހުން ހާމަކުރައްވާފައިވާ ގޮތުގައި، މި ދަތުރުފުޅަކީ ސައުދީ ސަރުކާރުގެ ފުރިހަމަ މެހެމާންދާރީ އާއި ޚަރަދުގައި ކުރައްވާ ދަތުރުފުޅެކެވެ. މީގެ ކުރިންވެސް ސައުދީ ރޯޔަލް ކޯޓުގެ ޚާއްޞަ މެހެމާންދާރީގައި ރައީސްގެ ދެކަނބަލުން ވަނީ ޙައްޖުގެ އަޅުކަމާއި އުމްރާގެ އަޅުކަން ފުރިހަމަކުރައްވާފައެވެ.

އެ ދަތުރުފުޅުގެ ހުރިހާ ކަމެއް މިދިޔަ ފެބްރުއަރީ މަހުގެ ކުރީކޮޅު ހަމަޖައްސާފައިވާ ކަމަށް ރައީސް އޮފީހުން ވަނީ ބުނެފައެވެ.

ފާހަގަކޮށްލެވޭ ގޮތުގައި 2024 ވަނަ އަހަރު ވެސް ރައީސްގެ ދެކަނބަލުން ވަނީ އުމްރާގެ އަޅުކަމަށް ސައުދީން ދެއްވި ފުރުސަތެއްގައި އެ އަަހަރުގެ މެއި މަހު ވަޑައިގެންފައެވެ. އަދި، މިދިޔަ އަހަރު ހިލޭ ސައުދީ ރޯޔަލް ކޯޓުން ހަމަޖައްސައިދީފައިވާ ދަތުރުފުޅެއްގައި ރައީސްގެ ދެކަނބަލުން ވަނީ ހައްޖަށް ވެސް ވަޑައިގެންފައެވެ.

ރައީސްގެ ދެކަނބަލުން އުމްރާއަށް ފުރާވަޑައިގެންފި

ނިމިދިޔަ ލޯކަލް ކައުންސިލް އިންތިޚާބުގައި ރާއްޖޭގެ އާބާދީ ބޮޑެތި ރަށްތަކުގެ ބޮޑު އަޣުލަބިއްޔަތެއް އިދިކޮޅު އެމްޑީޕީން ކާމިޔާބުކޮށްފިއެވެ. އިލެކްޝަންސް ކޮމިޝަނުން އާންމުކޮށްފައިވާ ވަގުތީ ނަތީޖާތަކުން ދައްކާގޮތުގައި، ރާއްޖޭގެ ސިޔާސީ މަސްރަޙަށް ބޮޑެތި ބަދަލުތަކެއް މި އިންތިޚާބާއެކު ވަނީ އައިސްފައެވެ.

އިލެކްޝަންސް ކޮމިޝަނުގެ ތަފާސްހިސާބުތަކުން ދައްކާގޮތުގައި، ފަސް ކައުންސިލަރުންގެ މައްޗަށް އެކުލެވޭ އާބާދީ ބޮޑު 46 ރަށުގެ ތެރެއިން 27 ރަށެއްގެ އަޣުލަބިއްޔަތު ހޯދާފައިވަނީ އެމްޑީޕީންނެވެ. ސަރުކާރު ހިންގާ މައި ޕާޓީ، ޕީއެންސީއަށް ކާމިޔާބު ކުރެވުނީ 19 ރަށެއްގެ އަޣުލަބިއްޔަތެވެ. މީގެ އިތުރުން ދެ ރަށެއްގެ އަޣުލަބިއްޔަތު އަމިއްލަ ކެންޑިޑޭޓުން ހޯދިއިރު، އަށް ރަށެއްގައި ވަކި ޕާޓީއަކަށް އަޣުލަބިއްޔަތެއް ނުލިބެއެވެ.

ފާހަގަކޮށްލެވޭ ބައެއް ރަށްތަކުގެ ނަތީޖާ:

ހއ. ދިއްދޫގައި އެއާޕޯޓު އެޅުމަށާއި ގޯތި ދޫކުރުމަށް ސަރުކާރުން ބޮޑު ބިން ހިއްކުމުގެ މަޝްރޫއެއް ހިންގައި، މިދިޔަ އޭޕްރިލް މަހު އެއާޕޯޓުގެ މަސައްކަތް އެމްޓީސީސީއާ ހަވާލުކޮށްފައި އޮތް ނަމަވެސް، އެ ރަށުގެ އަޣުލަބިއްޔަތު ލިބުނީ އެމްޑީޕީއަށެވެ. ޕީއެންސީއަށް ކާމިޔާބު ކުރެވުނީ ހަމައެކަނި ކައުންސިލް ރައީސްގެ ގޮނޑިއެވެ. މީގެ އިތުރުން، ކުރިން ޕީޕީއެމް/ޕީއެންސީގެ ބާރު އޮތް ހއ. އިހަވަންދުއާއި ކެލާގެ އަޣުލަބިއްޔަތުވެސް މިފަހަރު ވަނީ އެމްޑީޕީން އަތުލާފައެވެ.

ރ. މަޑުއްވަރީގެ އަޣުލަބިއްޔަތު ޕީޕީއެމް/ޕީއެންސީ އަތުން ބަދަލުވެ އެމްޑީޕީއަށް ލިބިފައިވާއިރު، އދ. މަހިބަދޫގައި އޮތް ވެރިކަންކުރާ ޕާޓީގެ ބާރުވެސް ވަނީ އެމްޑީޕީއަށް ބަދަލުވެފައެވެ. އަދި ދ. ކުޑަހުވަދޫގެ އަޣުލަބިއްޔަތުވެސް މިފަހަރު ލިބުނީ އެމްޑީޕީއަށެވެ. ލ. ގަމުގައި ކުރިންވެސް އޮތް އެމްޑީޕީގެ އަޣުލަބިއްޔަތު އެ ޕާޓީން ވަނީ ދަމަހައްޓާފައެވެ.

ބައެއް ރަށްތަކުން ސަރުކާރު ހިންގާ ޕާޓީއަށް ކުރިއެރުން ލިބިފައިވެއެވެ. އެގޮތުން ކުރިން އަމިއްލަ މެންބަރުންގެ ބާރު އޮތް ހދ. ނޮޅިވަރަމުގެ އަޣުލަބިއްޔަތު ޕީއެންސީން ހޯދިއިރު، ތ. ވިލުފުށީގެ އަޣުލަބިއްޔަތު ޕީއެންސީއަށް ލިބުނީ އެމްޑީޕީގެ އެއްވެސް މެންބަރަކު އެ ރަށަށް ވާދަނުކުރުމުންނެވެ.

ކ. މާފުށީގައި އެމްޑީޕީއަށް އޮތް އަޣުލަބިއްޔަތު ގެއްލި، މިހާރު އެއްވެސް ޕާޓީއަކަށް އެ ރަށުގެ އަޣުލަބިއްޔަތެއް ނެތެވެ. މާފުށީ ކައުންސިލްގެ ރައީސްކަމަށް އިންތިޚާބުވީ މިހާރުގެ މެންބަރު ޢަލީ ޝަމްޢޫނެވެ.

މި އިންތިޚާބުގައި އެމްޑީޕީން ވަނީ ރާއްޖޭގެ ބޮޑެތި ސިޓީތަކުގައި އެ ޕާޓީގެ ބާރު ގަދަކޮށްފައެވެ. އެގޮތުން މާލެ ސިޓީ، އައްޑޫ ސިޓީ، ފުވައްމުލައް ސިޓީ، ކުޅުދުއްފުށި ސިޓީ އަދި ތިނަދޫ ސިޓީގެ އަޣުލަބިއްޔަތު އެމްޑީޕީން ވަނީ ކާމިޔާބުކޮށްފައެވެ.

އައްޑޫ ސިޓީން ވަކިވެ، ވަކި ރަށްތަކެއްގެ ގޮތުގައި ކައުންސިލް އިންތިޚާބު ބޭއްވި ހުޅުދޫގެ އަޣުލަބިއްޔަތު އެމްޑީޕީއަށް ލިބުނުއިރު، މީދޫގެ ކައުންސިލް ރައީސްކަން ކާމިޔާބުކުރެއްވީ ޕީއެންސީގެ ކެންޑިޑޭޓް އާމިނަތު ޞާލިޙާގެ މައްޗަށް ކުރިހޯއްދެވި އަމިއްލަ ކެންޑިޑޭޓް އަޙްމަދު ޝާޠިރެވެ.

އާބާދީ ބޮޑު ގިނަ ރަށްތަކުގެ އަޣުލަބިއްޔަތު އެމްޑީޕީން ކާމިޔާބުކޮށްފި

މި ހިނގާ އޭޕްރީލް މަހުގެ 4 ވަނަ ދުވަހު ބޭއްވުނު ލޯކަލް ކައުންސިލް އިންތިޚާބުގައި، ވޭތުވެދިޔަ 18 އަހަރު ތެރޭ ފުރަތަމަ ފަހަރަށް ގދ. ނަޑެއްލާ ކައުންސިލްގެ އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ރައީސާގެ މަގާމު އިދިކޮޅު އެމްޑީޕީގެ ކެންޑިޑޭޓް ޝަފޫރާ ހަސަން ކާމިޔާބު ކުރައްވައިފިއެވެ.

ސިޔާސީ ފޯރި ގަދަވެފައިވާ ދަނޑިވަޅެއްގައި ބޭއްވުނު މި އިންތިޚާބުގައި ޝަފޫރާ ޙަސަން މި ގޮނޑި ކާމިޔާބު ކުރެއްވީ ސަރުކާރު ހިންގާ ޕާޓީގެ ކެންޑިޑޭޓާ ވާދަކުރައްވައިގެންނެވެ. ސަރުކާރުގެ ފަރާތުން މި މަގާމަށް ވާދަކުރެއްވީ މީގެ ކުރިން އެމްޑީޕީގެ ޓިކެޓުގައި އެ ކޮމެޓީގެ މެންބަރުކަން ކުރައްވާފައިވާ އައިމިނަތް ޒޫނާއެވެ.

މި ކާމިޔާބީއަކީ އެމްޑީޕީއަށް އެ ދާއިރާއިން ލިބުނު ތާރީޚީ ކާމިޔާބީއެކެވެ. ޚާއްޞަކޮށް، ނަޑެއްލާއަކީ އެމްޑީޕީގެ މަޑަވެލި ދާއިރާގެ ރައީސް އަދި ގައުމީ މަޖިލީހުގެ މެންބަރު އިބްރާހިމް ނާޕިޒް (ޗިކާ) ގެ އުފަން ރަށް ކަމަށްވުމުން، މިއީ އެ ޕާޓީއަށް ލިބުނު ވަރަށް މުހިންމު ކާމިޔާބީއެކެވެ. މީގެ އިތުރުން، ކައުންސިލްގެ އަންހެނުންނަށް ހާއްސަކުރެވިފައިވާ ގޮނޑިއަށް ވާދަކުރެއްވި އެމްޑީޕީގެ ކެންޑިޑޭޓް އައިޝަތު ޝަހުދާ ވެސް ވަނީ މި އިންތިޚާބު ކާމިޔާބު ކުރައްވާފައެވެ.

މި ކާމިޔާބީއާ ގުޅިގެން "ރެދަން އޮންލައިން" އަށް މައުލޫމާތު ދެއްވަމުން އިބްރާހިމް ނާޕިޒް (ޗިކާ) ވިދާޅުވީ، މިއީ ބޮޑު ބަދަލެއްގެ ފެށުން ކަމަށެވެ. އޭނާ ވިދާޅުވި ގޮތުގައި، ސަރުކާރު ފަޅިން މި އިންތިޚާބުގައި 95 އިންސައްތަ ލިބޭނެ ކަމަށާއި 6 ގޮނޑި ނަގާނެ ކަމަށް ބުނެ ފޮނިކަނޑަމުން ދިޔަ ނަމަވެސް، ނަތީޖާ އައީ އެއާ މުޅިން އިދިކޮޅަށެވެ.

"ވޯޓަށް ނުފޫޒު ނުފޯރުވާ ކަމަށް ރައީސް މުއިއްޒު ވިދާޅުވި ނަމަވެސް، ނަޑެއްލާއިން ވެސް މި އިންތިޚާބާ ދިމާކޮށް 22 ވަޒީފާ ދީ، ނާގާބިލު އެތައް ބަޔަކަށް ޕްރޮމޯޝަން ދީފައިވޭ. އަދި ވަޒީފާގައި ތިބި މީހުންނަށް އިންތިހާއަށް ބިރުދެއްކުން އޮތް،" ޗިކާ ވިދާޅުވިއެވެ. ނަމަވެސް، މިފަދަ ނުފޫޒުތަކާއެކުވެސް އެމްޑީޕީގެ ކެންޑިޑޭޓުން ވަނީ ރަށުގެ ރައްޔިތުންގެ އިތުބާރު ހޯއްދަވައި، ދެ އިންތިޚާބު އެއްކޮށްލުމާ މެދު ރައްޔިތުންގެ ފެންނަ ނުފެންނަ ވޯޓެއް ނެގުނުއިރު، ނަޑެއްލާގެ 58.71 އިންސައްތަ ރައްޔިތުން ވަނީ އެކަމާ ދެކޮޅަށް "ނޫނެކޭ" ބުނެފައެވެ.

ޗިކާ އިތުރަށް ފާހަގަކުރެއްވި ގޮތުގައި، ދިވެހި ރައްޔިތުން މިހާރު ތިބީ ވަރަށް ބޮޑަށް ހޭލުންތެރިވެފައެވެ. އަދި ދެ އިންތިޚާބު އެއްކޮށްލަން ނެގި ވޯޓުން އެކަން ސާފުވެއްޖެ ކަމަށް އޭނާ ވިދާޅުވިއެވެ. މިއީ ނާގާބިލު ސަރުކާރެއް ކަމަށް ސިފަކުރައްވަމުން، ރައީސް މުއިއްޒު އިސްތިއުފާ ދެއްވުމަކީ އެންމެ ރަނގަޅު ގޮތް ކަމަށް ވެސް ޗިކާ ވިދާޅުވިއެވެ.

ކައުންސިލް އިންތިޚާބުގައި އެމްޑީޕީއަށް ލިބުނު މި ބޮޑު ކާމިޔާބީ ފާހަގަކުރުމަށްޓަކައި މިރޭ މާލޭގައި ބޮޑު އެއްވުމެއް ބޭއްވުމަށް އެ ޕާޓީން ދަނީ ތައްޔާރުވަމުންނެވެ. މިފަހަރުގެ އިންތިޚާބުގައި އެމްޑީޕީން ވަނީ ރާއްޖޭގެ 5 ސިޓީ ކައުންސިލެއްގެ މެޖޯރިޓީ ކާމިޔާބުކޮށްފައެވެ.

އިލެކްޝަންސް ކޮމިޝަނުން މި އިންތިޚާބުގެ ރަސްމީ ނަތީޖާ ވަރަށް އަވަހަށް އިޢުލާން ކުރާނެ ކަމަށް ބެލެވެއެވެ. އައިޝަތު ޝަފޫރާގެ މި ކާމިޔާބީއާއެކު ނަޑެއްލާގެ އަންހެނުންގެ ތަރައްގީއަށާއި ރަށުގެ އިޖުތިމާއީ ކަންކަމަށް އާ ބާރެއް ލިބިގެންދާނެ ކަމަށް ރަށުގެ ގިނަ ރައްޔިތުން އުންމީދު ކުރެއެވެ.

18 އަހަރު ތެރޭ ފުރަތަމަ ފަހަރަށް ނަޑެއްލާ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ ރައީސާކަން އެމްޑީޕީގެ ކެންޑިޑޭޓް ޝަފޫރާ ޙަސަން ކާމިޔާބު ކޮއްޕި

ދުވަހުން ދުވަހަށް އާންމު ރައްޔިތުންގެ އިތުބާރު ދަށްވަމުންދާ މި ދަނޑިވަޅުގައި، އަމިއްލަ އެދުމާއި ދަހިވެތިކަމުގައި އުޅޭ ފަރާތްތައް ދުރުކުރަން ޖެހޭ ކަމަށް އިނަރ މޯލްޑިވްސްގެ މެނޭޖިންގް ޑިރެކްޓަރު މުހައްމަދު ފިރާގް ގޮވާލައްވައިފިއެވެ.

ފިރާގް ފާހަގަކުރެއްވި ގޮތުގައި، އެކި ކަހަލަ ލޭބަލްތަކުގެ ދަށުން އާންމުންގެ ފައިސާ އިސްރާފުކުރުން ދަނީ އިތުރުވަމުންނެވެ. ނަމަވެސް، ރައްޔިތުން މިކަންކަން ވަރަށް ގާތުން ބަލަމުންދާ ކަމަށާއި، މަދު ފައިސާކޮޅަކަށްޓަކައި ގިނަ ރައްޔިތުންގެ ވިސްނުން ބަދަލުނުކުރާނެ ކަމަށް އޭނާ ވިދާޅުވިއެވެ.

ޚާއްޞަކޮށް، އަމިއްލަ ފައިދާގެ ބޭނުމުގައި ދައުލަތުގެ ފަޅުތަކާއި ގިރިތައް ހޯދައިގެން ނުފޫޒު ފޯރުވަން މަސައްކަތްކުރާ މަދު ވިޔަފާރިވެރިންނާ މެދު ފިރާގް ވަނީ ކަންބޮޑުވުން ފާޅުކުރައްވާފައެވެ. އޭނާ ވިދާޅުވި ގޮތުގައި، ކުރިއަށް އޮތް ތަނުގައި ރައްޔިތުންގެ އިތުބާރު އަލުން ހޯދޭނީ، އެއްވެސް އުރުއްޕަތެއް (ރަހުމެއް) ނެތް ދަހިވެތި ފަރާތްތައް ނިޒާމުގެ ތެރެއިން ދުރުކޮށްގެންނެވެ.

"ރައްޔިތުން ހޮއްވަވާފައިވާ މަންދޫބުންގެ ހައްޤުތައް އަނބުރާ ލިބި، މިނިވަންކަމާއެކު އިންސާފު ޤާއިމުކޮށްދެއްވާ. މިއީ ހުރިހާ ދިވެހިންގެ ޤައުމެއްގެ ގޮތުގައި ހައްދަވައިދެއްވާ،" ފިރާގް ވިދާޅުވިއެވެ.

މީގެ އިތުރުން، ނުފޫޒުގެ ބޭނުންކޮށްގެން ރައްޔިތުންގެ މުދާތައް ހޯދަމުންދާ ފަރާތްތައް އެކަހެރިކުރުމަށް ދައުލަތުގެ ކަމާބެހޭ ފަރާތްތަކަށް އޭނާ ވަނީ އިލްތިމާސްކުރައްވާފައެވެ. ފިރާގުގެ މި ވާހަކަތަކަކީ ޤައުމުގެ މިހާރުގެ އިޖުތިމާޢީ އަދި އިޤްތިޞާދީ ޙާލަތަށް ރިއާޔަތްކޮށް، ރައްޔިތުންގެ ހައްޤުތައް ރައްކާތެރިކުރުމަށް ގޮވާލެއްވި ގޮވާލުމެކެވެ.